ރާއްޖޭގެ ސިޔާސީ ޕާޓީތަކުގެ ތެރެއިން މިވަގުތު ވެރިކަމުގައި އޮތް ޕީއެންސީއަކީ ސިޔާސީގޮތުން ރައްޔިތުންގެ އެންމެބޮޑު މަޤްބޫލުކަމެއް ލިބިގެންދިޔަ ޕާޓީއެވެ. ޕާޓީގެ މެމްބަރުންގެ އަދަދު 70،000 ފަހަނައަޅައިގެން ދިއުމަކީ މިކަމުގެ އަލިގަދަ ހެތްކެކެވެ. ޕީއެންސީން މިއަދު އެ މަޤާމަށް އައުމުގައި ހަމަގައިމުވެސް ސަރުކާރު ކޯލިޝަނަށް އެންމެބޮޑަށް ހިދުމަތްކޮށްދިން އެއް މެމްބަރަކީ، އެ ދާއިރާއަށް ނިސްބަތްވާ މ.އައިރިސް/ކ.މާލެ، އަޙްމަދު ފައިސަލް އެވެ. ފައިސަލްގެ ހިދުމަތް ޕާޓީއަށް ލިބެން ފަށާފައިވަނީ  މިއަދަކު ނޫނެވެ.

ފައިސަލްގެ ޚިދުމަތްތަކުގެ ތެރޭގައި، 2023 ވަނަ އަހަރުގެ ރިޔާސީ އިންތިޚާބުގައި މާފަންނު އުތުރު ދާއިރާއަށް ކާމިޔާބު ހޯދައިދިނުމަށްޓަކައި ޓީމްތައް އެކުލަވާލައި، ޖަގަހަ ތައްޔާރުކޮށް، ދޮރުން ދޮރަށް ހިނގުމުގެ ޙަރަކާތްތައް ރާވައި، ހިންގައި، ޢަމަލީގޮތުން ބައިވެރިވެ، އޭނާ ވަނީ މުޅި ކެމްޕެއިނުގައިވެސް އަމަލީގޮތުން ވަރަށް މުހިންމު ދައުރެއް އަދާކޮށްދީފައެވެ.

އެގޮތުން ފައިސަލް ވަނީ ރައްޔިތުން މަޖިލީހުގެ އިންތިހާބުގައި ސަރުކާރު ކޯލިޝަން ކެންޑިޑޭޓަށް، މާފަންނު އުތުރުގެ ގޮނޑި ކާމިޔާބުކޮށްދިނުމަށްޓަކައި، ކެމްޕެއިން މެނޭޖަރގެ ހައިސިއްޔަތުން މަސައްކަތްކޮށް، ވަރަށް ކާމިޔާބު ކެމްޕެއިނެއް ހިންގައިދީފައެވެ.

2023 ވަނަ އަހަރުގެ ރިޔާސީ އިންތިހާބުގެ ކެމްޕެއިންގައި ފައިސަލް...

ތައުލީމީ އަދި ތަޖުރިބާގެ ގޮތުން ބަލާނަމަ ފައިސަލްއަކީ މި ދާއިރާއަށް ނެގޭނެ އެންމެ ރަނގަޅު ކެނޑިޑޭޓެވެ. ފައިސަލް ވަނީ ދިވެހިރާއްޖޭގެ އިތުރުން، ޗައިނާ، ސިންގަޕޯރ، އޮސްޓްރޭލިއާރ ފަދަ ތައުލީމީ ގޮތުން އެންމެ ރަނގަޅު ޤައުމުތަކުން ތަމްރީންތައް ފުރިހަމަކުރައްވާފައެވެ.

ފައިސަލް ވަނީ މެނޭޖްމަންޓް އަދި މާކެޓިން ދާއިރާއިން އޮސްޓްރޭލިއާއިން ބެޗެލާރސް ޑިގްރީ އަދި އޯޕަން ޔުނިވަރސިޓީ މެލޭޝިއާއިން ބިޒްނަސް އެޑްމިނިސްޓްރޭޝަންގެ ދާއިރާއިން މާސްޓަރސް ޑިގްރީ ހައްދަވާފައެވެ. މީގެ އިތުރުންވެސް އޭނާ ވަނީ ޓޫރިޒަމާ ގުޅުންހުރި ދައިރާތަކުން އޮސްޓްރޭލިއާ އަދި އިނގިރޭސިވިލާތުގެ ޔުނިވަރސިޓީތަކުން ތައުލީމް ހޯއްދަވާފައެވެ.

ފައިސަލް ކެމްޕެއިން ޕޯސްޓަރު

އިލްމީގޮތުން ލިބުނު ޤާބިލްކަމާއެކު ފައިސަލް ވަނީ ޕްރައިވެޓް ސެކްޓަރ އަދި ސަރުކާރުގައި މަތީ ތަޢްލީމީ ދާއިރާގައި ލެކްޗަރާއެއްގެ ގޮތުގަޔާއި ކޮންސަލްޓަންޓެއްގެ ގޮތުގައި އަދި މެނޭޖްމަންޓްގައިވެސް އިސް މަޤާމްތަކެއް ފުރުއްވާފައިވެއެވެ. މިގޮތުން މޯލްޑިވްސް ޕޮލިޓެކްނިކްގައި ޑިރެކްޓަރ އޮފް ކޯރޕޮރޭޓް އެފެއަރޒްގެ މަޤާމާއި ޑިރެކްޓަރ އޮފް އެކަޑެމިކް އެފެއަރޒްގެ މަޤާމު ފުރުއްވައި، އެކަޑެމިކް ބޯރޑްގެ ޗެއަރމަންކަންވެސް ކުރައްވާފައިވެއެވެ. ފައިސަލް ވަނީ އަމިއްލަ ބައެއް ކޮލެޖްތަކުގައި ކޮންސަލްޓަންޓެއްގެ ގޮތުގައިވެސް ހަރަކާތްތެރިވެ ވަޑައިގެންފައެވެ. މީގެ އިތުރުން ފައިސަލް ވަނީ ދިވެހި ޤައުމީ ދިފާއީ ބާރުގައި ފާހަގަކޮށްލެވޭފަދަ ހިދުމަތްތަކެއް ކުރައްވާފައެވެ.

2023 ވަނަ އަހަރުގެ ރިޔާސީ އިންތިހާބުގެ ކެމްޕެއިންގައި ފައިސަލް...

މާލޭގެ އަވައްތަކުގެ ތެރެއިން ހަމަގައިމުވެސް މި މާލެ ސަރަހައްދުންވެސް އެންމެ ދައްޗާއި ތުރާލުގައި ދިރިއުޅެމުންދަނީ މާފަންނަށް ނިސްބަތްވާ ރައްޔިތުންނޭ ބުނުމަކުން ދޮގަކަށް ނުވާނެއެވެ. ވާރޭވެހިއްޖެ ނަމަ ދެން އެ ކުރިމަތިވާ ތުރާތަކާއި، ބޯހިޔާވަހިކަމާއި އެނޫންވެސް ކަންކަން އޮތީހަމަ ރަނގަޅުކުރަން ޖެހިފައެވެ. މިކަންކަމަށް ބަލާއިރު ސަރުކާރާ ގުޅިގެން އެކަން ކުރެވޭނެ އެންމެ ރަނގަޅު ކެނޑިޑޭޓަކަށްވާނީ ހަމަ ޔަގީނުންވެސް ފައިސަލް އެވެ.

ފައިސަލްއަކީ މުޖުތަމައުގައި ހުންނަ މައްސަލަތައް ދެނެވަޑައިގަންނަވާ އަދި އެ މައްސަލަތައް ހައްލުކުރުމުގެ ގާބިލްކަން އިލްމީ އަދި ފަންނީގޮތުން ހުރި ފަރާތެކެވެ. އޭނާގެ ތައުލީމާއި ތަޖުރިބާ ބޭނުންކޮށްގެން ޕާޓީއަށް އެންމެ މުހިންމުވި ދަނޑިވަޅުގައި ވަނީ މުހިންމު ހިދުމަތްތަކެއް ކޮށްދެއްވާފައެވެ. އެހެންކަމުން މިފަހަރުގެ ކައުންސިލް އިންތިޚާބުގައި މާލެ ސިޓީ ކައުންސިލް ގޮނޑިއެއް ހޯދުމަށް ފުރުސަތު ހޯދުމަށް މަސައްކަތްކުރާ އެންމެ ޤާބިލް އެއްފަރާތަށް ހަމަގައިމުވެސް ފައިސަލް ވެގެންދާނޭކަމީ އެއްވެސް މީހަކު ދެބަސްވާނޭ ކަމެއް ނޫނެވެ.