ދެކުނު އެމެރިކާގެ ޤައުމެއްކަމަށްވާ ވެނެޒުއެލާގައި ކުއްލި ނުރައްކަލުގެ ހާލަތު މިއަދު އިއުލާނުކޮށްފިއެވެ.

ބީބީސީން ބުނެފައިވަނީ ވެނެޒުއެލާގައި ކުއްލި ނުރައްކަލުގެ ހާލަތު އިއުލާނުކޮށް، ޤައުމުގެ އަސްކަރިއްޔާ ތައްޔާރީ ހާލަތުގައި އޮތުމަށް ރައީސް ނިކޮލަސް މަޑޫރޯ އަމުރުކުރައްވާފައިވާކަމަށެވެ. ވެނެޒުއެލާގައި ކުއްލި ނުރައްކަލުގެ ހާލަތު އިއުލާނުކޮށްފައިމިވަނީ މިއަދުގެ ވަގުތެއްގައި އެޤައުމުގެ ވެރިރަށް ކަރަކާސްއަށް އަމާޒުކޮށް ވައިގެ ހަމަލާތަކެއް ދީފައިވަނިކޮށެވެ. 

ބީބީސީން ރިޕޯޓްކޮށްފައިވާގޮތުގައި އެމެރިކާގެ ރައީސް ޑޮނާލްޑް ޓްރަމްޕް ވަނީ އެޤައުމުގެ އަސްކަރިއްޔާއަށް ވެނެޒުއެލާގެ އަސްކަރީ ބޭސްތަކަށް ހަމަލާދިނުމަށް އަންގަވާފައެވެ. އެގޮތުން އެމެރިކާއިން ވަނީ ވެނެޒުއެލާގެ ވެރިރަށުގެ އަސްކަރީ ބޭނުމަށް ބޭނުންކުރަމުންދާ ބައެއް ތަންތަނަށް ހަމަލާދީފައެވެ.

ކަރަކާސްގެ ގިނަ ސަރަހައްދުތަކެއް ކަނު އަނދިރީގައި އޮތްއިރު، މި ހަމަލާތަކުގެ ސަބަބުން ލިބުނު ގެއްލުންތަކެއް އަދި ނޭނގެއެވެ.

ވެނެޒުއެލާގެ ރައީސް މަޑޫރޯ އެމެރިކާއަށް ނިސްބަތްކުރައްވައި ވިދާޅުވީ ދުޝްމަނުންގެ އިންޒާރުތަކަށް ދީލާލުމެއްނެތް ކަމަށާއި، އެޤައުމަށް ހަމަލާދިނީތީވެ، އެކަމުގެ ރައްދު ދޭނޭކަމަށެވެ. އެމެރިކާ އާއި ވެނެޒުއެލާގެ މައްސަލަ ހޫނުވެފައިމިވަނީ ވެނެޒުއެލާއިން އީރާާ ގުޅުން ބަދަހިކޮށް އެޤައުމަށް ތެއޮ ފޯރުކޮށްދޭކަމަށް އެމެރިކާއިން ތުހުމަތުކޮށްފައިވަނިކޮށެވެ. ދާދިފަހަކުން ވެނެޒުއެލާއިން ތެއޮ ބަރުކޮށްގެން ދިޔަަމަށް ބުނާ މަނަވަރަކަށް އެމެރިކާއިން ވަނީ ފާރަލާފައެވެ. އެ މައްސަލާގައި ރަޝިއާއިން ވަނީ މަނަވަރަށް ފާރަ ނުލުމަށް އެމެރިކާއަށް އިންޒާރުވެސް ދީފައެވެ.