ކުށުން ރައްކާތެރިކޮށް ހޭލުންތެރިކުުވުމަށް ވޯކް އެންޑް ޓޯކް ހަރަކާތެއް ހިތާދޫގައި ކުރިއަށް ގެންގޮސްފި
ކުށްތަކުން ރައްކާތެރިވެ ތިބުމަށް އާއްމުން ހޭލުންތެރިކުރުމުވުގެ މަގުސަދުގެ ދަށުން ބ. ހިތާދޫގައި ފުލުހުން ވޯކް އެންޑް ޓޯކް ގެ ނަމުގައި ހާއްސަ ހަރަކާތެއް ކުރިއަށް ގެންގޮސްފިއެވެ.
މި ހަރަކާތް ކުރިއަށް ގެންގޮސްފައިވަނި މިމަހުގެ 10 ވަނަ ދުވަހެވެ.
މި ހަރަކާތުގެ ބޭނުމަކީ ކުށް މަދު އަމާން މުޖުތަމައެއް ބިނާކޮށް ކުށުން ރައްކާތެރިކުރުމަށާއި ރައްޔިތުންގެ ކަންބޮޑުވުންތައް އޮޅުންފިލުވައި އަދި ފުލުހުންނާއި ރައްޔިތުންނާ ދެމެދު ހަރުދަނާ ގުޅުމެއް ގާއިމުކުރުން ކަމަށް ފުލުހުން ބުނެއެވެ.
ފުލުހުން ބުނީ މި ހަރަކާތުގެ ދަށުން އެ ރަށުގެ އެކި ސަރަހައްދުތަކުން ރައްޔިތުންނާ ބައްދަލުކޮށް ހިޔާލު ބަދަލުކޮށް މަޝްވަރާކޮށްފައިވާކަމަށެވެ. އެގޮތުން ރައްޔިތުންގެ ހުރި ކަންބޮޑުވުންތައް އޮޅުންފިލުވައި އަދި ފުލުހުންނާ ގުޅިގެން ހައްލުކުރެވެން ހުރި ކަންކަމާ ގުޅޭގޮތުން މައުލޫމާތު ހިއްސާކޮށް، ރަށުގައި ދެމުންގެންދާ ފުލުހުންގެ ހިދުމަތާ މެދު ރައްޔިތުންގެ ހިޔާލު ހޯދައި ގުޅިގެން މަސައްކަތްކުރުމުން ފެންނާނެ ހެޔޮބަދަލުތަކާ ގުޅޭގޮތުން ވެސް މަޝްވަރާކޮށް އަދި ރަށުގައި އާންމުކޮށް ހިނގާ ކުށްތަކުން ރައްކާތެރިވުމަށް މައުލޫމާތު ހިއްސާކޮށްފައިވާކަމަށެވެ.
މީގެ އިތުރުން، ވައިބަރ ހެކް ކޮށްގެން ދިމާވާ މައްސަލަތަކުގައި އަމަލުކުރާނެ ގޮތްތަކާއި އެފަދަ ކަންކަމުން ރައްކާތެރިކަން ހޯދާނެ ގޮތްތަކާ ގުޅޭގޮތުން ވެސް މައުލޫމާތު ހިއްސާކޮށްފައި ވާކަމަށާއި އަދި ކުށްމަދު ކުރުމަށް ދެފަރާތުން ގުޅިގެން ރަށުގައި ކުރިއަށް ގެންދެވިދާނެ ހަރަކާތްތަކާ ގުޅޭގޮތުންނާއި ފުލުހުންގެ ފަރާތުން ރަނގަޅުކުރަން ރައްޔިތުން އެދޭ ކަންކަމާ ގުޅޭގޮތުން ވެސް ހިޔާލު ބަދަލުކޮށްފައިވާކަމަށް ފުލުހުން ބުނެއެވެ.
ކުށުގެ ވެށިން ސަލާމަތްވެފައިވާ، އަމާން މުޖުތަމައެއް ގާއިމްކުރުމަށް ފުލުހުން އަންނަނީ ކެނޑިނޭޅި އެތަކެއް މަސައްކަތްތަކެއް ކުރަމުންނެވެ. އަދި މިކަމުގެ ހެޔޮ ނަތިޖާވެސް އަންނަނީ ފެންނަމުންނެވެ.
Advertisement
This content is created and paid for by advertisers and does not involve Voice Journalists
