ގެއްލިގެން ހޯދަމުންދިޔަ ފުވައްމުލަކު ދޫޑިގަން، ދުންފިނިގެ ޢަބްދުލްޢަޒީޒު މުޙައްމަދު (64އ) ގެ ޚަބަރެއް ވެއްޖެ އެވެ.
ޢަބްދުލްޢަޒީޒު މުޙައްމަދު މަސައްކަތްކުރަނީ މުދާ އުފުލާ ދޯނިފަހަރުގައި ކަމާއި އޭނާގެ ޚަބަރެއް އާއިލާއަށް އެންމެ ފަހުން ވެފައިވަނީ 2025 ސެޕްޓެމްބަރު 3 ވަނަ ދުވަހު ފޯނުން ކަމަށް އޭނާގެ އާއިލާއިން ފުލުހުންނަށް މައުލޫމާތު ދީފައިވާކަން ހާމަކޮށް އޭނާ ހޯދަން ފެށިކަން ފުލުހުން އިއްޔެ އިއުލާނު ކުރި އެވެ.
އަދި ބުނީ ޢަބްދުލްޢަޒީޒު މުޙައްމަދު އާއިލާގެ މީހަކަށް އެންމެ ފަހުން ފެނިފައިވަނީ 2025 ނޮވެމްބަރު މަސްތެރޭގައި އައިޖީއެމްއެޗް ކައިރިން ކަމަށް ވެސް އޭނާގެ އާއިލާއިން ފުލުހުންނަށް މައުލޫމާތު ދީފައިވާ ކަމަށެވެ.
ފުލުހުން ދެންމެ ބުނީ ޢަބްދުލްޢަޒީޒު މުޙައްމަދު، އޭނާގެ އާއިލާއަށް އަދި ފުވައްމުލައް ޕޮލިސް ސްޓޭޝަނަށް ގުޅައި، އޭނާ ހުރީ ތިލަފުށީގައި ކަމާއި ހާލު ރަނގަޅުކަމަށް މައުލޫމާތު ދީފައިވާ ކަމަށެވެ.
Advertisement
This content is created and paid for by advertisers and does not involve Voice Journalists
