މާލެ ސިޓީގެ މޭޔަރު ކަމަށް މިހާރުގެ މޭޔަރު އާދަމް އާޒިމް ގެންނަން, އެލްޖީއޭގެ ރައީސް މުހައްމަދު ނިމާލް މަސައްކަތް ކުރާ ކަމަށް ދެކެވޭ ވާހަކަތައް އޭނާ ދޮގު ކުރައްވައިފި އެވެ.
ނިމާލު, އެ ވާހަކަތައް ދޮގުކުރެއްވީ އާޒިމްއާ އޭނާ ސަލާމް ކުރާ މަންޒަރު ފެންނަ ފޮޓޯއަކާއެކު ނިމާލްގެ ތާއީދު މިހާރު އޮތީ އާޒިމަށް ކަމަށް ބުނެ އެކްސް އެކައުންޓަކުން ޕޯސްޓެއް ކުރުމާއި ގުޅިގެންނެވެ.
އެ ޕޯސްޓްގައި ނިމާލް ވިދާޅުވީ އޭނާ ދަންނަ އެކަކުވެސް އެ ވާހަކަތައް ގަބޫލުނުކުރާނެ ކަމަށެވެ. އަދި ޕޯސްޓްކުރި މީހާވެސް އެ ވާހަކަތައް ގަބޫލުނުކުރާނެ ކަމަށެވެ.
"ކޮންސްޕިރަަސީ ތިޔަރީއެއް އަމިއްލަ ހިޔާލަށް ގެނެސް ވަގުތުކޮޅަކަށް ހިތްހަމަޖެހުމެއް ލިބޭނަމަ [ފިތުނަވެެރި ކަމުގެ އުފެއްދުމެއްގެ ހިޔާލާއި ނިޔަތުގައި] އެކަމުގައި ހަމަ ކުރިއަށްދާންވީ,"
ނިމާލް ވިދާޅުވި ގޮތުގައި އެ ފޮޓޯއަކީ އިއްޔެ, ޕީއެންސީގެ ކެންޑިޑޭޓުން ހުޅުމާލޭގައި ބޭއްވި ޑޯޓްޑޯ އިވެންޓެއްގައި މަގުމަތީން ދިމާވެގެން ސަލާމްކޮށްލި ކޮށްލުމެއްގެ ތެރެއިން ނަގާފައިވާ ފޮޓޯއެއް ކަމަށެވެ.
"މި ޕޯސްޓަށް އަޅުގަނޑު ބުނާނީ މިއީ ހިޔަންޏަށް މުޑި ނެގުމޭ. ނުވަތަ އަވާ މެންދުރަށް ބަލައިގެން ހުވަފެނުގެ ތެރޭގައި ހުރުމޭ," ނިމާލް ވިދާޅުވި އެވެ.
ސާބިތުކޮށް މި ހުރީ ރައީސް މުޢިއްޒާއެކު
ނިމާލް ވިދާޅުވި ގޮތުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އަކީ އެ ވަގުތު ރާއްޖެއަށް އެންމެ ރަނގަޅު ޗޮއިސްކަން 2023 ގައި ގަބޫލުކުރި ކަމަށެވެ.
"އެ ނިންމުން ނިންމުނީތީވެ މިއަދުވެސް އުފާކުރަން. މި ގައުމުގެ މުސްތަގުބަލަށްޓަކައި ވެސް އެންމެ ރަނގަޅު ޗޮއިސްއަކީ އަދިވެސް ރައީސް މުއިއްޒުކަން އެ މަނިކުފާނު ސާބިތުކޮށްދެއްވަމުން އެ ދަނީ,"
އަދި ވިދާޅުވީ 2028 ވަނަ އަހަރުވެސް އޭނާ ހުންނާނީ ރައީސް މުޢިއްޒުއާއެކު ކަން ރައީސަށާއި ޕާޓީގެ މެންބަރުންގެ އެނގޭނެ ކަމަށެވެ.
"މި ހިތެއް ބަދަލެއް ނުވާނެކަން އޮވަރާއެކުވެސް, މި އަޒުމެއް ކަތިވެގެން ނުދާނެކަން ފެންނަހާ މަންޒަރަކަށްވެސް," ނިމާލްގެ ޕޯސްޓްގައި ވެ އެވެ.
Advertisement
This content is created and paid for by advertisers and does not involve Voice Journalists
