ގދ. ތިނަދޫ ސިޓީގެ އިތުރު 50 މަގެއްގައި ތާރު އަޅަން ހަވާލުކޮށްފި އެވެ.
ތިނަދޫ މަގުތައް ޒަމާނީ ފެންވަރަށް ތަރައްގީކުރުމުގެ މަޝްރޫއުގެ ތިންވަނަ ފިޔަވަހި ހަަވާލުކޮށްފައިވަނީ ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އާ އެވެ.
މިއަދު އޮތް ރަސްމިއްޔާތެއްގައި މިނިސްޓްރީ އޮފް ކޮންސްޓްރަކްޝަން, ހައުސިން އެންޑް އިންފްރާސްޓްރަކްޗާގެ ފަރާތުން ސޮއިކުރެއްވީ ޑރ. އަބްދުﷲ މުއްތަލިބެވެ. އަދި އާރުޑީސީގެ ފަރާތުން ސޮއިކުރެއްވީ މެނޭޖިން ޑިރެކްޓަރު އިބްރާހީމް ނަޒީމެވެ.
ތިނަދޫ މަގުތައް ޒަމާނީ ފެންވަރަށް ތަރައްގީކުރުމުގެ މަޝްރޫއުގެ ތިންވަނަ ފިޔަވަހި ފެށުމަށް ނިންމުން --
މިނިސްޓްރީން ބުނި ގޮތުގައި މި ފިޔަވަހީގައި 19.3 ކިލޯ މީޓަރުގެ މަގުގައި ތާރު އަޅާނެ އެވެ. އެއީ 50 މަގެވެ. މި މަގުތައް ތަރައްގީ ކުރާނީ ފެން ހިންދާ ނިޒާމު ގާއިމުކޮށް ރޯޑް މާކިން އަދި ސައިން ބޯޑް ހަރުކުރުމާއި ދުވާރުތައް ހެދުމުގެ މަަސައްކަތް އެ ކުންފުނިން ކުރާނެ އެވެ.
މި މަސައްކަތް އާރުޑީސީއާ ހަވާލުކުރީ 341,872,868.17 ރުފިޔާއަށެވެ. މި މަސައްކަތް ކުރިއަށް އޮތް 1440 ދުވަސްތެރޭ ނިންމަން ޖެހެ އެވެ.
Advertisement
This content is created and paid for by advertisers and does not involve Voice Journalists
