އައްޑޫގެ އެމްޑީޕީގެ އިސް ބޭފުޅުންތަކެއް ޕީއެންސީއާ ގުޅިއްޖެ
އައްޑޫގެ އެމްޑީޕީއަށް ނިސްބަތްވާ އިސް ބޭފުޅުންތަކެއް ޕީއެންސީއާ މިރޭ ގުޅިއްޖެ އެވެ.
ދަ ގްރޭޓާ އައްޑޫ ވިޝަންގެ ތަފްސީލު ލޯންޗުކުރުމުގެ މިރޭ އާޓިފިޝަލް ބީޗުގައި އޮތް ހަފްލާ އެ ބޭފުޅުން އެމްޑީޕީ ދޫކޮށް ޕީއެންސިއާ ގުޅިފައިވާކަން ވަނީ އިއުލާނުކޮށްފަ އެވެ. އަދި އެ ބޭފުޅުން ވަނީ ޕީއެންސީގެ މެންބާޝިޕް ފޯމް ރައީސުލްޖުމްހޫރިއްޔާ އަދި ޕީއެންސީގެ ރައީސް ޑރ. މުޙައްމަދު މުޢިއްަޒުއާ ހަވާލު ކުރައްވާފަ އެވެ.
ޕީއެންސީއާ ގުޅުނު ބައެއް މެންބަރުން --
ޕީއެންސީއާ ގުޅުނު ބޭފުޅުންގެ ތެރޭގައި އައްޑޫ ސިޓީގެ އެމްޑީޕީގެ ކުރީގެ ރައީސް އަޙްމަދު އަދްޙަމް އާއި އެމްޑީޕީގެ ފޭދޫ ދާއިރާގެ ކުރީގެ ރައީސް އަބްދުالله ސަޢީދު އާއި އެމްޑީޕީގެ ފޭދޫ ދާއިރާގެ ކުރީގެ ނާއިބު ރައީސް މުހައްމަދު ސައީދު (ދަގޭ) ހިމެނެ އެވެ.
ޕީއެންސީއާ ގުޅުނު ބައެއް މެންބަރުން --
އަދި ފޭދޫ ދާއިރާގެ އެމްޑީޕީގެ ކުރީގެ ކައުންސިލަރު އަދި އެލްޖީއޭގެ ކުރީގެ މެންބަރު އަހްމަދު މިރުޒާލް އާއި ލަންކާގައި އެމްޑީޕީ ހަރަކާތްތަކުގައި ވަރަށް އިސް ދައުރެއް އަދާކޮށްފައިވާ ފާތިމަތު ޝިޔާމާ ވެސް ހިމެނެ އެވެ. މީގެ އިތުރުން އައްޑޫ ސިޓީގެ އަންހެނުންގެ ތަރައްޤީއަށް މަސައްކަތް ކުރާ ކޮމެޓީގައި ތިންވަނަ ދައުރެއް ފުރިހަމަ ކުރަމުންދާ ޙައްވާ ޒާހިރާ ހިމެނެ އެވެ.
Advertisement
This content is created and paid for by advertisers and does not involve Voice Journalists
