ޣާޒީ ބިލްޑިންގ ހުރި ބިމުގައި ޕާކެއް ހެދުމުގެ މަސައްކަތް ފަށައިފައިވާކަމަށް އިމާރަތްކުރުމާއި، ގެދޮރުވެރިކަމާއި ބިނާރާ ބެހޭ ވަޒީރު ޑރ. އަބްދުالله މުއްތަލިބު ވިދާޅުވެއްޖެއެވެ.
މި މަސައްކަތް ހަވާލުކޮށްފައިވަނީ ރޯޑް ޑެވެެލޮޕްމަންޓް ކޯޕެރޭޝަން (އާރު.ޑީ.ސީ) އާއެވެ.
ވަޒީރު އެކްސްގައި ވިދާޅުވީ މި މަސައްކަތަކީ މާލޭގެ މަލަމަތި ރީތިކޮށް ތޮއްޖެހިފައިވާ މި މާލޭގައި ހިތްފަސޭހަ މައިޒާންތައް އިތުރުކުރުމަށް ސަރުކާރުން ކުރަމުންދާ މަސައްކަތުގެ ތެރެއިން ފަށާފައިވާ މަސައްކަތެއް ކަމަށެވެ.
ޣާޒީ ބިލްޑިންގ ހުރި ސަރަހައްދަކީ މާލޭގެ އެންމެ ހަލަބޮލި އެއް ސަރަހައްދެކެވެ. އެ ސަރަހައްދުގައި މިފަދަ ޕާކެއް އެޅުމުން އާންމު ރައްޔިތުންނަށް ހިތްފަސޭހަކޮށްލުމަށް ލިބިގެންދާނެ ފުރުސުތަކެވެ. މީގެއިތުރުން ތިމާވެއްޓައްވެސް ރަނގަޅު އަސަރު ކުރާނެއެވެ.
މާލެ ސިޓީގެ މަލަމަތި ޒަމާނީ ފެންވަރަށް ތަރައްގީކުރުމުގެ ސިޔާސަތުގެ ދަށުން ސަރުކާރުން ދަނީ ބޮޑުތަކުރުފާނުމަގު ފުޅާކުރުން ފަދަ އެތަކެއް މަޝްރޫއުތަކެއް ހިންގަމުންނެވެ.
Advertisement
This content is created and paid for by advertisers and does not involve Voice Journalists
