ވޮރަންޓީ ނެތި އުނގޫފާރު ރީޖަނަލް ހޮސްޕިޓަލަށް އަގުބޮޑެތި މެޝިނަރީތަކެއް ގަނެފައިވާ މައްސަލައެއް ފެންމަތިވެއްޖެއެވެ.
މި މައްސަލަ ފެންމަތިވެފައިވަނީ ދައުލަތުގެ އޮޑިޓް އޮފީހުން ނެރުނު އުނގޫފާރު ރީޖަނަލް ހޮސްޕިޓަލުގެ އޮޑިޓް ރިޕޯޓްގައެވެ. ދައުލަތުގެ މާލިއްޔަތު ޤަވައިދު ބުނާގޮތުން މެޝިނަތީ އާއި އިކުއިޕްމެންޓް ފަދަ އަގުބޮޑު ތަކެތި ހޯދަން ވާނީ، ވޮރަންޓީ ނުވަތަ ގެރެންޓީދޭ އެބާވަތުގެ މުދާ އެތެރެކޮށް ވިއްކާ ފަރާތަކުންނެވެ. ނުވަތަ އެބާވަތުގެ މުދާ އާއްމުކޮށް ވިއްކާ ހަދާތަނަކުންނެވެ.
އޮޑިޓް އޮފީހުން ނެރުނު ރިޕޯޓްގައި ބުނީ އެ ހޮސްޕިޓަލުން 2022 އަދި 2023 ވަނަ އަހަރު ގަނެފައިވާ ބައެއް އަގުބޮޑެތި ހަރުމުދަލުގެ ވޮރަންޓީ ނެތްކަން ފާހަގަކުރެވުނު ކަމަށެވެ. އޭގެ ތެރޭގައި އެ ހޮސްޕިޓަލަށް ގަނެފައިވާ އީސީޖީ ސިމިއުލޭޓަރ، ޑިޖިތަލް އެކްސްރޭ މެޝިން، ލެޕްރަސްކޯޕި މެޝިން އަދި ކާޑިއެކް ސާވިސް ފެށުމަށް ބޭނުންވާ އިކުއިޕްމެންޓްސް ހިމެނެއެވެ.
މައުލޫމާތު: ދައުލަތުގެ އޮޑިޓް އޮފީސް
އޮޑިޓް އޮފީހުން އާއްމުކޮށްފައިވާ މައުލޫމާތަށް ބަލާއިރު، ވޮރަންޓީ ނެތި ގަތް އެއްޗެހީގެ އަގު 3 މިލިއަން ރުފިޔާއަށްވުރެ އިތުރެވެ.
އޮޑިޓް އޮފީހުން ވަނީ އެފަދަ ބާވަތްތަކުގެ މުދާ ގަންނައިރު ދައުލަތުގެ މާލިއްޔަތު ގަވާއިދުގައި ބަޔާންކޮށްފައިވާ ގޮތަށް އަމަލުކުރުމަށް އުނގޫފާރު ރީޖަނަލް ހޮސްޕިޓަލަށް އަންގާފައެވެ.
Advertisement
This content is created and paid for by advertisers and does not involve Voice Journalists
