އެ ރިޕޯޓުގައި ދިރާސާކޮށްފައި ވަނީ ހިލޭ ޑިގްރީ ސްކީމް ހިންގުމުގައި ކަންކަން އޮތް ގޮތެވެ. މޯލްޑިވްސް ކޮލިފިކޭޝަން އޮތޯރިޓީ (އެމްކިޔުއޭ) އާއި ކިޔަވައިދޭ އެކި މަރުކަޒުތަކުން ހޯދި ތަފާސްހިސާބުތައް ދައްކާ ގޮތުން އެ މުއްދަތުގައި ޖުމްލަ 11641 ދަރިވަރުން ސްކީމުގައި ބައިވެރިވެފައިވެއެވެ. ނަމަވެސް ކޯސް ނިންމައިގެން ނުކުމެފައި ވަނީ 5833 ދަރިވަރުންނެވެ.

އެ ރިޕޯޓުގައި ބަޔާންކޮށްފައިވާ ގޮތުގައި 2019 ވަނަ އަހަރުގެ ފެބްރުއަރީ އެކަކުން ފެށިގެން 2024 ވަނަ އަހަރުގެ ޑިސެމްބަރު 31 ގެ ނިޔަލަށް އެ ސްކީމަށް 19,265 އެޕްލިކޭޝަން ހުށަހަޅާފައިވާއިރު އޭގެ ތެރެއިން 85 އިންސައްތައަކީ ސްކީމުގައި ޢަމަލީ ގޮތުން ބައިވެރިވި 16,388 ދަރިވަރުންނެވެ. އެ މުއްދަތުގައި ދައުލަތުން ޖުމްލަ 835,697,911 ރުފިޔާ މި ސްކީމަށް ހޭދަކޮށްފައިވާ ކަމަށާއި އެއީ އެވެރެޖުކޮށް އަހަރަކު 139,282,985 ރުފިޔާ ކަމަށް ރިޕޯޓުގައިވެއެވެ.