މިފްކޯގެ ހިސާބުތައް ދައްކާ ގޮތުން ސެޕްޓެމްބަރު މަހު 451 ދޯންޏަކުން ޖުމުލަ 1288.42 ޓަނުގެ މަސް ކިރުވައިފައިވެއެވެ. އޭގެ ތެރޭގައި ހިމެނެނީ 1284.1 ޓަނުގެ ކަޅުބިލަމަހާއި 10 ކިލޯއިން މަތީ ކަންނެލީގެ 0.5 ޓަނާއި 15 ކިލޯއިން މަތީ ކަންނެލީގެ 3.8 ޓަނެވެ. އެ މަހު މަސްވެރިންނަށް ދޫކޮށްފައިވަނީ 27.32 މިލިއަން ރުފިޔާއެވެ.

ދައުލަތުން ދޭ ބަޖެޓުން ކުރާ ޚަރަދުތައް ކުޑަކޮށް، ފައިސާ ރައްކާކޮށްގެން ށ. ފީވަކު ކައުންސިލުން އެ ރަށުގައި ތަރައްޤީކުރި ފުރަތަމަ އެކޮމޮޑޭޝަން ބްލޮކް، ގެސްޓްހައުސް، ހިންގުމަށް އަމިއްލަ ފަރާތަކާ ހަވާލުކޮށް، ކައުންސިލަށް އާމްދަނީ ލިބޭނެ ދާއިމީ ދޮރެއް ހުޅުވާލައިފިއެވެ.

މިރޭ 21:00 ގައި ސަލްޓަން ޕާކުގެ އިވެންޓް އޭރިއާގައި ފެށުމަށް ހަމަޖެހިފައިވާ މި ފޯރަމް ދެ ގަޑިއިރަށް ކުރިއަށް ގެންދާނެއެވެ. މި ފޯރަމްގައި ބައިވެރިވެވަޑައިގަންނަވަނީ އިޤުތިޞާދީ ތަރައްޤީއާއި ދަތުރުފަތުރާ ވިޔަފާރިއާ ބެހޭ ވަޒީރު މުޙައްމަދު ސަޢީދާއި ދިފާޢީ އަދި ވަތަނީ ޚިދުމަތާ ބެހޭ ވަޒީރު ޙަސަން ރަޝީދާއި ބަންޑާރަނައިބު އަލްއުސްތާޛު އަޙްމަދު އުޝާމެވެ.

މާލޭގައި ފުޅާ ދާއިރާއެއްގައި ބަނގުރަލުގެ ވިޔަފާރި ހިންގި އިންޑިއާ އަދި ލަންކާގެ ދެ މީހަކު ހައްޔަރުކޮށް، 1677 ފުޅި ބަނގުރަލާއި މަސްތުވާތަކެތި އަތުލައިގެންފައިވާ ކަމަށް ފުލުހުން ބުނެފިއެވެ.

ހިއުމަން ރައިޓްސް ކޮމިޝަނުގެ މެންބަރުކަމަށް ޝަމްޢޫން ޙަމީދު ރައީސް ޑޮކްޓަރ މުޢިއްޒު މިއަދު ޢައްޔަންކުރައްވައި، ރައީސް އޮފީހުގައި ހުވާ ލައިދެއްވައިފިއެވެ.

ސިޔާސީ ފިކުރު ކުރިއެރުވުމަށް ކައުންސިލް އިދާރާތަކުގެ މުދަލާއި ބިން ބޭނުންކުރުމަކީ ލާމަރުކަޒީ ޤާނޫނާ ޚިލާފު ކަމެއް ކަމަށް ބުނެ އެފަދަ ޢަމަލުތައް ހުއްޓައިލުމަށް އެލްޖީއޭއިން ވަނީ އިލްތިމާސްކޮށްފައެވެ.

އިންޑިއާގެ އީކޮމާސް ޕްލެޓްފޯމް ގްލޯބަލް ދުކާނުން ވިޔަފާރިކުރާ ދިވެހިންނަށް މޯލްޑިވްސް ޕޯސްޓް މެދުވެރިކޮށް ދިވެހި ރުފިޔާއިން ފައިސާ ދެއްކޭނެ އިންތިޒާމު ވަނީ ހަމަޖެހިފައެވެ.

އިންޑިއާގެ އެކި ސަރަޙައްދުތަކުގައި ހަމައެކަނި އިސްރާއީލުގެ ރައްޔިތުންނަށް ވަދެވޭ ގޮތަށް ޚާއްޞަކޮށްގެން ހިންގާ ކެފޭތަކާއި ވިޔަފާރިތައް އިތުރުވަމުންދާތީ، އެ ޤައުމުގެ ޢާންމު ރައްޔިތުންނާއި އެކްޓިވިސްޓުން ރުޅިގަދަވެއްޖެއެވެ.