މާލޭގައި ކުދިން ބައިތިއްބާ އެކޮމޮޑޭޝަނެއްގައި އުމުރުން 18 އަހަރުގެ އަންހެނަކު ނިޔާވި ހާދިސާއާ ގުޅިގެން ތަހުގީގެއް ފަށާފައިވާ ކަމަށް އެޗްއާރުސީއެމުން ބުނެފި އެވެ.
އެ ކޮމިޝަނުން ވަނީ އޭޕްރީލް 21 ގައި، ގައުމީ ޔުނިވާސިޓީ (އެމްއެންޔޫ) ގެ މަޖުދުއްދީން ދަނާލުގައި، ހިނގައިދިޔަ ހިތާމަވެރި ހާދިސާގައި ނިޔާވި ދަރިވަރުގެ ޢާއިލާއަށް ތަޢުޒިޔާ ފޮނުވާފަ އެވެ.
އަދި ބުނީ މި ޙާދިސާ ކޮމިޝަނުން އިސްނަގައިގެން ދަނީ ބަލަމުން ކަމަަށެވެ.
މި ހިތާމަވެރި ޙާދިސާ އާގުޅޭގޮތުން، ހަޤީޤަތާ ޚިލާފު ވާހަކަ އާއި ޒާތީ މަޢުލޫމާތު އެއްވެސް ފަރާތަކުން ޢާންމު ނުކުރުމަށާ އަދި މަރްޙޫމާގެ ކަރާމާތަށް އުނިކަން އަތުވެދާނެ އެއްވެސް ކަމެއް އެއްވެސް ފަރާތަކުން ނުކުރުމަށް ކޮމިޝަނުން ވަނީ އިލްތިމާސް ކޮށްފަ އެވެ.
ހާސިދާ ނިޔާވި ހާދިސާއާ ގުޅިގެން ދިވެހި ފުލުހުންގެ ޚިދުމަތުން ދަނީ ތަހުގީގު ކުރަމުން ކަމަށާ މި މައްސަލައިގެ ވަށައިގެންވާ އެންމެހައި ކަންކަން ބަލައި، އަޅަންޖެހޭ ފިޔަވަޅުތައް އެޅުމަށްޓަކައި ކަމާބެހޭ އިދާރާތަކާ ގުޅިގެން އެ ހިދުމަތުން ދަނީ މަސައްކަތް ކުރަމުން ކަމަށް ފުލުހުން ވެސް ވަނީ ބުނެފަ އެވެ.
Advertisement
This content is created and paid for by advertisers and does not involve Voice Journalists
