ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) ގެ ރައީސްގެ މަގާމަށް މއ. ޔެލޯބެލް މުހައްމަދު ނިޒާރު އައްޔަނު ކޮށްފި އެވެ.
ޕީސީބީން ދެންމެ ބުނީ އެ ބޯޑްގެ ރައީސްގެ މަގާމުގައި ހުންނެވި ގއ. ދެއްވަދޫ ދޭލިޔާގެ، މުހައްމަދު އަނަސް މިއަދު އިސްތިއުފާ ދީފައިވާ ކަމަށެވެ. އަދި އޭނާގެ އެ އިސްތިއުފާ ގަބޫލުކޮށްފައިވާ ކަމަށެވެ.
އަނަސްގެ ބަދަލުގައި ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު, މއ. ޔެލޯބެލް މުހައްމަދު ނިޒާރު ޕީސީބީގެ ރައީސަކަށް އައްޔަނުކޮށްފައި ކަމަށް ވެސް ބުންޏެވެ.
މުޙައްމަދު ނިޒާރަކީ ބައިނަލްއަގްވާމީ ވިޔަފާރި، ކޯޕަރޭޓް މެނޭޖްމަންޓް އަދި ދައުލަތުގެ އިދާރާތައް ހިންގުމުގެ ދާއިރާއިން 30 އަހަރަށްވުރެ ގިނަ ދުވަހުގެ ތަޖުރިބާ ލިބިފައިވާ ބޭފުޅެކެވެ. އަދި ދައުލަތުގެ ކުންފުނިތައް ކޯޕަރަޓައިޒް ކުރުމާއި، އެ ކުންފުނިތަކުގެ ހިންގުން މޮނިޓަރކޮށް ބެލެހެއްޓުމުގެ ފަންނީ ތަޖުރިބާވެސް ލިބިފައިވާ ބޭފުޅެކެވެ.
އޭނާ ވަނީ 2014 އިން 2019 އަށް ވެސް ޕީސީބީ ގެ ރައީސްކަމުގެ މަގާމު ފުރުއްވާފަ އެވެ.
ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) ގައި 20 އަހަރަށްވުރެ ގިނަ ދުވަހު ހިދުމަތް ކޮށްފައިވެ އެވެ.
Advertisement
This content is created and paid for by advertisers and does not involve Voice Journalists
