ރާއްޖޭގެ ކޮންމެ ރަށަކަށްވެސް ޚާއްސަ އެ ރަށެއްގެ ތާރީޚާއި ސަގާފަތުގެ ތެރޭގައި ހިމެނޭ ކަންކަން ދިރުވައި އާލާކޮށް ބެލެހެއްޓުމަށް ކޮންމެ ރަށަކުންވެސް 10 ތަރިކަވެރިން ތަމްރީނު ކުރުމުގެ މަސައްކަތް ކުރިއަށްދާ ކަމަށް ތާރީޚާ ސަގާފަތާ ބެހޭ ވަޒީރު ހީނާ ވަލީދު ވިދާޅުވެއްޖެއެވެ.
ތަރިކަ ދިރާސާ ކުރާ މަރުކަޒުގެ މަސައްކަތްތަކަށް އަލިއަޅުވާލައްވަމުން ހީނާ ވިދާޅުވީ، ”ދޫދޫމަތިން ހަނދާން އެެއްކުމުގެ މަޝްރޫޢު“ ނުވަތަ ނެޝަނަލް ޕްރޮޖެކްޓް ފޯ އޯރަލް ހިސްޓްރީ ކަލެކްޝަން ކުރިއަށްދާ ކަމަށާ އެ މަޝްރޫޢުގެ ބޭނުމަކީ ރާއްޖޭގެ ތާރީޚާ ސަގާފަތް އަންނަން އޮތް ޖީލަށް ފޯރުކޮށްދިނުން ކަމަށެވެ.
މިސާލަކަށް ލިޔެފައިވާ ތާރީޚްގެ އިތުރުން ދޫދޫމަތިން ބައެއް ފަރާތްތަކުން ކިޔައިދޭ ވާހަކަތައް، އެ ބޭފުޅުންގެ ހަނދާންތައް އެއްކުރުމުގެ ސަގާފަތެއް ދިވެހިންގެ މެދުގައި އަށަގެންނެވުން. އެގޮތުން ރާއްޖޭގެ ހުރިހާ ރަށެއްގެ ކައުންސިލްތަކާއި ޖަމިއްޔާ ޖަމާޢަތްތަކާއި، އަމިއްލަ ފަރުދުންގެ މެދުގައި ދިވެހިން ކޮށްފައިވާ ތަޖުރިބާތަކާ ގުޅިފައިވާ ހަނދާންތައް ރިކޯޑްކުރުމުގެ ޤާބިލްކަން އަށަގެންނެވުމަށް ހިންގޭ މަޝްރޫޢެއް
ހީނާ ވަަލީދު
ހީނާ ވިދާޅުވީ، އެ މަޝްރޫޢުގެ ތެރެއިން ރާއްޖޭގެ އެކިކަންކޮޅުތަކުގައި މީހުންނަށް ދިމާވެފައިވާ ހާދިސާތަކާއި، ދިރިއުޅުމުގެ ކަންކަމާއި އެނޫންވެސް ތާރީޚާ ސަގާފަތާ ގުޅުންހުރި ކަންކަން ދިރުވައި އާލާކުރުމަށް މުހިންމު މަސައްކަތްތަކެއް ކުރެވޭނެ ކަމަށެވެ.
އަދި މި މަޝްރޫޢުގެ ތެރެއިން ރާއްޖޭގެ ކޮންމެ ރަށެއްގައި ދިހަ މީހުން، ދޫދޫ މަތިން ހަނދާން އެއްކުރުމަށް މިހާރުވެސް ތަމްރީން ކުރެވެމުންދާ ކަމަށް ވިދާޅުވިއެވެ.
މީގެ އިތުރުން ތަރިކަ ވެރިން އުފެއްދުމުގެ ޤައުމީ މަޝްރޫޢުއެއްވެސް ކުރިއަށްދާ ކަމަށާ، އެ މަޝްރޫޢުއަކީ ރާއްޖޭގެ ކޮންމެ ރަށެއްގެވެސް ތާރީޚީ އަދި ސަގާފީ މުއްސަނދިކަން ދެނެގަނެ، އެތަކެތި ރައްކާތެރިކޮށް ދެމެހެއްޓުމަށްޓަކައި ކުރިއަށްދާ މަޝްރޫޢުއެއް ކަމަށް ހީނާ ވިދާޅުވިއެވެ.
”މި މަޝްރޫއުގެ ދަށުން ތަމްރީނު ކުރެވޭ ފަރާތްތަކަކީ އެ ރަށެއްގެ ތަރިކައިގެ ބަލަދުވެރިންގެ ގޮތުގައި ވެގެންދާނެ. މި މަޝްރޫޢުގެ ތެރެއިންވެސް ރާއްޖޭގެ ކޮންމެ ރަށެއްގައި 10 މީހުން ތަރިކަ ވެރިންގެ ގޮތުގައި ތަމްރީނުކޮށް އެ މަސައްކަތަށް ޚާއްސަ ކުރެވިގެންދާނެ.“ ހީނާ ވިދާޅުވިއެވެ.
Advertisement
This content is created and paid for by advertisers and does not involve Voice Journalists
