ދިވެހިރާއްޖޭގެ ޤައުމީ ޔުނިވަރސިޓީގެ ފެކަލްޓީ އޮފް އާރޓްސް އިން އިންތިޒާމުކުރާ "ޖަޕަނީސް ލޭންގުއޭޖް އެލެމެންޓްރީ 1" ކޯހުގައި ބައިވެރިވުމުގެ ފުރުޞަތު ހުޅުވާލައިފިއެވެ.
ޔުނިވަރސިޓީން ބުނީ މި ކޯހަކީ ދިވެހިރާއްޖޭގައި ހުންނަ ޖަޕާނު އެމްބަސީއާއި ޖަޕާން ފައުންޑޭޝަންގެ އެހީތެރިކަމާއެކު، ޖަޕާނު ބަސް ދަސްކުރުމަށް ޝައުޤުވެރިވާ ފަރާތްތަކަށް އަމާޒުކޮށްގެން ހިންގާ 15 ހަފްތާގެ ޕްރޮގްރާމެއް ކަމަށެވެ. ކޯސް ފެށުމަށް ހަމަޖެހިފައިވަނީ މިމަހު 31 ގައެވެ.
މި ކޯހުގައި ކިޔަވައިދެނީ ފެކަލްޓީއަށް ހާޒިރުވެގެން، ކޮންމެ އާދީއްތަ، އަންގާރަ، އަދި ބުރާސްފަތި ދުވަހެއްގެ ރޭގަނޑު 19:00 އިން 21:00 އަށެވެ. ކޯހުގެ ފީ އަކީ 2،250 ރުފިޔާއެވެ.
ޖާގަ ދެވެނީ 30 ބައިވެރިންނަށް ކަމަށާއި، ޖާގަ ދިނުމުގައި އިސްކަންދެވޭނީ ފޯމު ހުށަހަޅާ ތަރުތީބުން ކަމަށް ޔުނިވަރސިޓީން ބުންޏެވެ.
ކޯހުގައި ބައިވެރިވެވެނީ 12 އަހަރުން މަތީގެ، ޖަޕާނު ބަހުގެ ބޭސިކް ކޯހެއް ނިންމާފައިވާ ނުވަތަ އެ ފެންވަރުގެ ހުނަރު ހުރިކަމުގެ ލިޔެކިޔުން ހުށަހެޅޭ ފަރާތްތަކަށެވެ.
ފޯމު ހުށަހެޅުމުގެ އެންމެ ފަހު ސުންގަޑިއަކީ 2026 ވަނަ އަހަރުގެ ޖެނުއަރީ 17 ވާ އާދީއްތަ ދުވަހުގެ ރޭގަނޑު 23:59 އެވެ.
ކޯހުގައި ބައިވެރިވުމަށް އެދޭ ފޯމް ތިރީގައިވާ ލިންކުން ޑައުންލޯޑް ކުރެވޭނެއެވެ.
https://docs.google.com/forms/d/e/1FAIpQLSfzXvvyeOErS4qQ6snzM7TX-D-FDmeQfpI-QEGGY7Cdh3v6dg/viewform
Advertisement
This content is created and paid for by advertisers and does not involve Voice Journalists
