ހުންނެވީ ޕީއެންސީގެ މެންބަރެއްގެ ގޮތުގައި ރައީސުލްޖުމްހޫރިއްޔާ ޑރ. މުހައްމަދު މުޢިއްޒުއާއެކު ކަމަށް ކުރީގެ ފިނޭންސް މިނިސްޓަރު މޫސާ ޒަމީރު ވިދާޅުވެއްޖެ އެވެ.

ޒަމީރު މިހެން ވިދާޅުވީ ޕީއެންސީން މިރޭ ބޭއްވި ހަރުގެ ޖަލްސާގައި ވާހަކަފުޅު ދައްކަވަމުންނެވެ. ކުއްލި ގޮތަކަށް ފިނޭންސް މިނިސްޓަރު ކަމުން ޒަމީރު އިސްތިއުފާ ދެއްވުމާއި ގުޅިގެން ތަފާތު ވާހަކަތައް ދެކެވެމުން ދެ އެވެ.

އެ ވާހަކަތަކަށް ރައްދު ދެއްވާ ޒަމީރު ވިދާޅުވީ އޭނާ ހުންނެވީ ކުރީއްސުރެ ގަބޫލުކުރައްވާ ފިކުރުގައި ކަމަށެވެ. އެއީ ރައީސް މުޢިއްަޒުގެ ޕީއެންސީގެ ފިކުރު ކަމަށާ އެ ފިކުރުގައި ކުރައްވަން ޖެހިވަޑައިގެންނެވި ކޮންމެ މަސައްކަތްޕުޅެއް ކުރައްވާނެ ކަމަށެވެ.

"އަޅުގަނޑު ދަންނަވަން ބޭނުންވަނީ އަޅުގަނޑު މިހުރީ އެފިކުރުގައޭ. އިސްލާމްދީނަށް ހޯދައިދެއްވާ ކުރިއެރުމާއި، ގައުމިއްޔަތަށް ހޯދައިދެއްވާ ކުރިއެރުމާއި، އަދި ރައްޔިތުންގެ ކެރިފޯރުންތެރިކަމަށް ހޯދައިދެއްވައި ކުރިއެރުންތައް ފާހަގަކޮށް އެމަނިކުފާނާ އެކުގައޭ މިހުރީ،" ޒަމީރު ވިދާޅުވި އެވެ.

ޒަމީރުގެ އިސްތިއުފާއާ ގުޅޭގޮތުން ދެކެވޭ ވާހަކަތަކަށް ވެސް ޒަމީރު ވަނީ ރައްދު ދެއްވާފަ އެވެ. ޒަމީރު ވިދާޅުވީ ޒިންމާ އަދާނުކުރެއްވޭ ފަދަ ސިއްހީ ހާލަަތެއް މެދުވެރިވުމުން ދުރަށް ޖެހިވަޑައިގަތުމަށް ބޭނުންފުޅުވީ ކަމަށެވެ.

އެ ހާލަތުގައި މަގާމުގެ ދިފާއުގައި ހުންނެވުމަކީ ގަބޫލުކުރައްވާ ގޮތް ނޫން ކަމަށް ވިދާޅުވި އެވެ.

ޒަމީރު ވަނީ އޭނާ ހުންނެވީ ރައީސް މުޢިއްޒާއެކު ކަމަށް ވިދާޅުވާ ވިދާޅުވުން ތަކުރާރު ކުރައްވާފަ އެވެ.