ޣާޒީ ބަންޑާރައިންގެ ހަނދާނުގައި ހއ.އުތީމްގައި ބިނާކުރި ދޮރާށި ރައީސުލްޖުމްހޫރިއްޔާ ޑރ.މުހައްމަދު މުއިއްޒު ހުޅުވައިދެއްވައިފިއެވެ.
ބޮޑުތަކުރުފާނުގެ ހަނދާނީ ދޮރާށި ހުޅިވައިދެއްވީ ޤައުމީ ދުވަހުގެ ރަސްމީ ޖަލްސާގައި ބައިވެރިވެ ވަޑައިގަތުމަށް ރައީސުލްޖުމްހޫރިއްޔާ އުތީމަށް ކުރެއްވި ޒިޔާރަތުގައި މިއަދު ހެނދުނެވެ.
މި ދޮރާށްޓަކީ ބޮޑުތަކުރުފާނާ ގުޅުން ހުރި ތާރީޚީ އަސަރުތައް ހިމާޔަތްކޮށް ދެމެހެއްޓުމުގެ ގޮތުން ސަރުކާރުން ހިންގަމުން ގެންދާ މަޝްރޫޢުގެ ދަށުން ތަރައްޤީކުރި ބިނާއެކެވެ. މި ބިނާ ރަސްމީކޮށް ހުޅުއްވައިދެއްވީ އެ ކަމަށްޓަކައި ބޭއްވި ޚާއްޞަ ރަސްމިއްޔާތެއްގައެވެ.
އެ ރަސްމިއްޔާތުގައި ޤައުމީ ދުވަހުގެ ހަރަކާތްތަކަށް ދަޢުވަތު އެރުވިގެން ވަޑައިގެންނެވި ޢިއްޒަތްތެރިންނާއި ރަށުގެ ގިނަ ޢަދަދެއްގެ ޢާންމުން ބައިވެރިވެފައިވެއެވެ. ރައީސުލްޖުމްހޫރިއްޔާ ވަނީ ދޮރާށި ހުޅުއްވައިދެއްވުމަށް ފަހު އެ ބިނާ ބައްލަވައިލައްވައިފައެވެ.
މި ބިނާއަކީ ޣާޒީ ބަންޑާރައިންގެ އަސަރުތައް ރައްކާތެރިކުރުމަށް ސަރުކާރުން ފައްޓަވައިފައިވާ މަޝްރޫޢުގެ ތެރެއިން ފުރިހަމަކުރެވުނު މަސައްކަތެކެވެ.
Advertisement
This content is created and paid for by advertisers and does not involve Voice Journalists
