މާލޭ ގަލޮޅުގައި ހުރި ގެއެއްގެ ކޮޓަރިއެއްގައި ހުރި ކަރަންޓް ސޮކެޓެއްގައި ރޯވެ އަލިފާނުގެ ހާދިސާއެއް ހިނގައިފިއެވެ.
މި އަލިފާނުގެ ހާދިސާ ހިނގީ ގ.ކްރެބް ޓްރީ ގޭގެ ގޭގެ އެންމެ ތިރީ ފަންގިފިލާގައި މީހުން ދިރިއުޅޭ ކޮޓަރިއެއްގައެވެ. އެންޑީއެމްއޭއިން ބުނީ މި ހާދިސާގައި އަލިފާންގަނޑު ވަރަށް ބޮޑަށް ފެތުރިގެން ދިޔަ ނަމަވެސް، މިހާރު އެއްކޮށް ނިއްވާލެވިފައިވާ ކަމަށެވެ.
އަލިފާން ރޯވި ތަނަކީ ބިދޭސީން ދިރިއުޅެމުންދިޔަ ތަނެއް ކަމަށާއި، ސިފައިން އެ ސަރަޙައްދަށް ދިޔައިރު އެތަނުގައި އެއްވެސް މީހަކު ނެތް ކަމަށް ފުލުހުންނާ ހަވާލާދީ އެންޑީއެމްއޭއިން ބުނެފައުވެއެވެ.
މި ހާދިސާއާ ގުޅިގެން އެމްއެންޑީއެފުން ބުނީ ހާދިސާގެ މައުލޫމާތު މިއަދު 12:09 ހާއިރު އެމްއެންޑީއެފް ފަޔަރ އެންޑް ރެސްކިޔު ސަރވިސްއަށް ލިބުމާ އެކު، މާލޭ ފަޔަރ ސްޓޭޝަނުގެ ފަޔަރފައިޓަރުން ވަނީ އެ ސަރަހައްދަށް ގޮސް އަލިފާން ނިއްވުމުގެ މަސައްކަތްކޮށްފައިވާ ކަމަށެވެ. އެގޮތުން ފަޔަރފައިޓަރުން ކުރި މަސައްކަތުން އަލިފާންގަނޑު ނިއްވާލެވުނީ މިއަދު 12:25 ހާއިރު ކަމަށް އެ އިދާރާއިން ބުންޏެވެ.
އެމްއެންޑީއެފުން ބުނީ، މި ހާދިސާގައި އެ ކޮޓަރީގައި ވާ ބައެއް ތަކެއްޗަށް ގެއްލުންލިބިފައިވާ ކަމަށެވެ. ނަމަވެސް ހާދިސާގެ ސަބަބުން އެއްވެސް މީހަކަށް އަނިޔާއެއް ވިކަމުގެ ރިޕޯޓު ލިބިފައި ނުވާކަމަށެވެ.
Advertisement
This content is created and paid for by advertisers and does not involve Voice Journalists
