ހއ. ހޯރަފުށީ ސްކޫލުގެ މަތީ ގްރޭޑްތަކުގެ ދަރިވަރުންނަށް އަމާޒުކޮށް ގޭތެރޭގައި ކަރަންޓު ބޭނުންކުރާއިރު ރައްކާތެރިވާނެ ގޮތްތައް ދަސްކޮށްދިނުމުގެ ޚާއްޞަ ސެޝަންތަކެއް ފެނަކަ ކޯޕަރޭޝަނުގެ ހޯރަފުށީ ބްރާންޗާ ގުޅިގެން ކުރިއަށް ގެންގޮސްފިއެވެ.
މި މަހުގެ 24 ވަނަ ދުވަހު ބޭއްވި މި ޕްރޮގްރާމު ފަރުމާކޮށްފައި ވަނީ ގްރޭޑް 9 އިން 11 އާ ދެމެދުގެ ދަރިވަރުންނަށް ކަމަށް ފެނަކައިން ބުނެފައިވެއެވެ. ދަރިވަރުން ބާރުވެރިކުރުވައި ދިރިއުޅުމުގެ މުހިންމު ހުނަރުތައް ތަރައްޤީކުރުމަކީ މި ސެޝަންތަކުގެ މައިގަނޑު މަޤުޞަދެވެ.
ކަރަންޓާ ގުޅޭ އަސާސީ މަޢުލޫމާތުގެ އިތުރުން ދިމާވެދާނެ ނުރައްކާތަކުން ރައްކާތެރިވުމަށް އެޅޭނެ ފިޔަވަޅުތައް ދަރިވަރުންނަށް ކިޔައިދީފައިވެއެވެ. ހަމައެއާއެކު ހަމައެކަނި ތިއަރީ މަޢުލޫމާތަކުން ނުފުއްދައި ޢަމަލީ ގޮތުން ހަރަކާތްތަކުގައި ބައިވެރިވެ ތަޖުރިބާ ހޯދުމުގެ ފުރުޞަތު ވެސް ދަރިވަރުންނަށް ދީފައިވާ ކަމަށް ފެނަކައިން ބުނެފައިވެއެވެ.
މި ޕްރޮގްރާމު ކާމިޔާބުކަމާ އެކު ހިންގައިދިނުމުގައި ފެނަކަ ހޯރަފުށީ ބްރާންޗުގެ މުވައްޒަފުންގެ ފަރާތުން ލިބުނު އެއްބާރުލުމާއި އެހީތެރިކަން ހޯރަފުށީ ސްކޫލުން ފާހަގަކޮށް އެ ފަރާތަށް ޝުކުރު އަދާކޮށްފައިވެއެވެ.
Advertisement
This content is created and paid for by advertisers and does not involve Voice Journalists
