ރާއްޖޭގެ އެންމެ ބޮޑު އިންޝުއަރަންސް ކުންފުނި، އެލައިޑް އިންޝުއަރަންސް އިން ސޯޝަލް މީޑިއާގައި ހަރަކާތްތެރިވާ ފަރާތްތަކަށް ހާއްސަކޮށްގެން، ޕްލޭސްޓޭޝަން 5 (ޕީއެސް5) އެއް ލިބޭ އަގުހުރި ގިވްއަވޭއެއް ފަށައިފިއެވެ.

"މިޝަން ޕީއެސް5" ގެ ނަމުގައި ކުރިއަށްގެންދާ މި ގިވްއަވޭއަކީ އެލައިޑުގެ އިންސްޓަގްރާމް ފޮލޯވަރުންނަށް ހުޅުވާލައިގެން ކުރިއަށްގެންދާ ޕްރޮމޯޝަނެކެވެ. މި ކެމްޕޭނުގައި ބައިވެރިވެ، ޕީއެސް5 އެއް ކާމިޔާބު ކުރުމުގެ ފުރުސަތު ހޯދުމަށް ފުރިހަމަކުރަން ޖެހެނީ ތިން ކަމެކެވެ.

އެގޮތުން ބައިވެރިވުމަށްޓަކައި:

އެލައިޑް އިންޝުއަރަންސްގެ ރަސްމީ އިންސްޓަގްރާމް ޕޭޖު (@allied.mv) ފޮލޯކުރުން.

"މިޝަން ޕީއެސް5" ގެ އަސްލު ޕޯސްޓަށް ލައިކް ދިނުން.

އެ ޕޯސްޓުގެ ކޮމެންޓުގައި ތިން ރަހުމަތްތެރިއަކު ޓެގްކުރުން.

މީގެ އިތުރުން، ނަސީބު ވެރިއަކަށް ވުމުގެ ފުރުސަތު ބޮޑުކުރުމަށްޓަކައި "ބޯނަސް އެންޓްރީ" އެއް ހޯދުމުގެ ފުރުސަތުވެސް ވަނީ ހުޅުވާލާފައެވެ. އެގޮތުން އެލައިޑުގެ ކެމްޕޭން ޕޯސްޓު އަމިއްލަ އިންސްޓަގްރާމް ސްޓޯރީގައި ހިއްސާކޮށް، އެލައިޑުގެ ރަސްމީ ޕޭޖު (@allied.mv) ޓެގް ކުރުމުން ބޯނަސް އެންޓްރީ ލިބިގެންދާނެއެވެ.

މި ކެމްޕޭން ކުރިއަށްދާނީ 8 ސެޕްޓެމްބަރުން ފެށިގެން 30 އޮކްޓޫބަރު 2026 ގެ ނިޔަލަށެވެ. އެލައިޑުން މަޢުލޫމާތު ދޭގޮތުގައި، މި ގިވްއަވޭގެ ނަސީބުވެރި ފަރާތް ހޮވައި އިއުލާނު ކުރުން އޮންނާނީ 16 ނޮވެމްބަރު 2026 ގައެވެ.

އެލައިޑް އިންޝުއަރަންސުން ވަނީ އެ ކުންފުނީގެ ސޯޝަލް މީޑިއާ އޯޑިއަންސަށް މި ކެމްޕޭނުގައި ބައިވެރިވެ، ރަހުމަތްތެރިންނާއެކު މި މިޝަން ފުރިހަމަކޮށް އަގުހުރި ޕީއެސް5 އެއް ހޯދުމުގެ ފުރުސަތުގެ ބޭނުން ހިފުމަށް ދައުވަތު އަރުވާފައެވެ.

މި ކެމްޕޭނުގެ ޝަރުތުތަކާއި އިތުރު ތަފްސީލު އެލައިޑް އިންޝުއަރަންސްގެ ރަސްމީ އިންސްޓަގްރާމް ޕޭޖުގައިވާ ޕޯސްޓުން (https://www.instagram.com/p/DdBn_wzTcNQ/?stkn=c3h5YjA0emVudmFi) ލިބެން ހުންނާނެއެވެ.