ބާރު ސްޕީޑްގައި ދުއްވާފައި ދިޔަ ކާރެއް ހުޅުމާލޭގެ ފާރަކަށް އަރައިފި
ރޭ ދަންވަރު ބާރު ސްޕީޑްގައި ދުއްވާފައި ދިޔަ ކާރެއް، ހުޅުމާލޭ އެމްޑަބްލިޔުއެސްސީ އިމާރާތުގެ ފާރަށް އަރައިފިއެވެ.
ފުލުހުން ބުނީ މި ހާދިސާ ހިނގާފައިވަނީ ބާރު ސްޕީޑެއްގައި ދުއްވާފައި ދިޔަ ކާރެއް ކޮންޓްރޯލް ނުވެގެންގޮސް، އެމްޑަބްލިޔުއެސްސީގެ ފާރަށް އަރައިގެންނެވެ. މި އެކްސިޑެންޓުގެ ސަބަބުން އެމްޑަބްލިއުއެސްސީގެ ފާރަށާއި އެމީހާ ދުއްވަން އިން ކާރުގެ ކުރިއަށް ވަނީ ބޮޑެތި ގެއްލުންތަކެއް ލިބިފައެވެ.
މި އެކްސިޑެންޓާއި ގުޅިގެން އެކާރު ދުއްވަން އިން 22 އަހަރުގެ މީހާ ވަނީ ހައްޔަރުކޮށްފައެވެ. އެމީހާ ހައްޔަރުކޮށްފައިވަނީ އޭނާގެ އަތުގައި ލައިސަންސެއް ނެތުމުގެ ސަަބަބުންނެވެ.
ފުލުހުން ދަނީ މި ހާދިސާ ތަހުގީގުކުރަމުންނެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
