ގޯލްޑެން ފުޓްސަލް ޗެލެންޖް 2019ގައި މިރޭ ރ. އިނގުރައިދޫ ޓީމްގެ ފުރަތަަމަ ފެނިލުން ފެނިގެންދާނެއެވެ.
މި މެޗުގައި އިނގުރައިދޫ ޓީމުން މިރޭ ބައްދަލުކުރާނީ އެ އަތޮޅު މާކުރަތާއިއެވެ.
މި މެޗްގެ ކުޅުން އޮންނާނީ މިރޭ ނުވައެއް ޖަހާއިރު، ހުޅުމާލޭ ފުޓްސަލް ދަނޑުގައެވެ. މި މުބާރާތުގައި ވާދަކުރާ އިނގުރައިދޫ ޓީމްގެ ކުޅުންތެރިންނަށް ރޭ ވަނީ ޖާޒީ ހަވާލުކޮށްފައެވެ.
މި ޓީމްގައި ހިމެނެނީ އެރަށުގައި ދިރިއުޅެމުންދާ ފަރާތްތަކާއި މާލޭގައި ދިރިއުޅެމުންދާ އިނގުރައިދޫ ޒުވާނުންނެވެ.
މި މުބާރާތުގެ ހުރިހާ މެޗެއް ހާފްކޯޓް މޯލްްޑިވްސްއިން ދުރަށް ދައްކާގޮތަށް ވަނީ ހަމަޖެހިފައެވެ. މި މެޗުތައް ވޮއިސް ވެބްސައިޓް މެދުވެރިކޮށް ކިޔުންތެރިންނަށް ގެނެސްދިނުމަށްވެސް ވަނީ ނިންމާފައެވެ. އަދި ސެމީ ފައިނަލް މެޗާއި ފައިނަލް މެޗު ވަނީ ޓީވީން ދުރަށް ދެއްކުމަށް ނިންމާފައެވެ.
މިފަހަރުގެ މުބާރާތުގެ ޗެމްޕިއަން ޓީމަށް 65،000 ރުފިޔާ ދޭގޮތަށް ހަމަޖެހިފައިވާއިރު ރަނަރަޕް ޓީމަށް ކަނޑައަޅާފައިވަނީ 25،000 ރުފިޔާ އެވެ.
Advertisement
This content is created and paid for by advertisers and does not involve Voice Journalists
