މޯލްޑިވްސް ޑިމޮކްރަސީ ނެޓްވޯކް (އެމްޑީއެން)އިން ނެރުނު ރިޕޯޓުގައި އިސްލާމް ދީނަށް ފުރައްސާރަ ކުރި މައްސަލަ ހޫނު ވެފައިވާއިރު އެއީ "އިނގެރޭސީން އެއްޗެއް ބުނަން އުޅެނިކޮށް ވީ ގޮތެއް" ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ސަހީހު މުސްލިމްގެ ހަދީޘް ފޮތުގެ ތަރުޖަމާއެއް ނެރުމުގެ ރަސްމިއްޔާތު ޝަރަފުވެރިކޮށްދެއްވައި ވާހަކަފުޅު ދައްކަވަމުން ރައީސް ނަޝީދު ވިދާޅުވީ ދިވެހިން ހަދީޘް އިލްމަށް އަހުލުވެރިވާން ޖެހޭ ކަމަށެވެ. އަދި ބައެއް ފަހަރު އެފަދަ ވާހަކަ ދައްކާއިރު، ބަހުގެ ހަމަތަކުން ބޭރު ވަނީ އެ އިލްމު ނޭނގޭތީ ކަމަށް ވިދާޅުވެ ނަޝީދު ވަނީ އެމްޑީއެންގެ މީހުން ދިފާއު ކުރައްވައިފައެވެ.
ނަޝީދު ވިދާޅުވީ އެމްޑީއެންއިން އިސްލާމް ދީނަށް ފުރައްސާރަކޮށް ރިޕޯޓު ނެރުނނީ އިސްލާމް ދީނާ މެދު ނަފްރަތު އުފައްދަން ނޫން ކަމަށެވެ.
އެގޮތުން އެ މެމްބަރުންގެ މަގްސަދަކީ އިސްލާމް ދީނާ މެދު ނަފްރަތު އުފެއްދުން ނޫން ކަމަށާއި، އެ ރިޕޯޓުގައި އިސްލާމް ދީނަށް ފުރައްސާރަވާފަދަ ވާހަކަތަކެއް ހުރީ އިނގެރޭސިި ބަހުން ބައެއް ވާހަކަތައް ބަޔާން ކުރަން އުޅުމުގެ ތެރޭގައި ކަމަށްވެސް ވިދާޅުވިއެވެ.
"އެއްވެސް ހާލެއްގައި އެބަސްތައް ބޭނުންކޮށްފައި ވަނީ އެމާނައިގައި ކަމަަކަށް އަޅުގަނޑަކަށެއް، އެ ރިޕޯޓު ކިޔައިގެން ނުފެނުނު. އެއީ އިނގެރޭސި ބަހުން އެއްޗެއް ލިޔާން ވެގެން އުޅެނިކޮށް ވެފައި ހުރި ގޮތެއް." ނަޝީދު ވިދާޅުވިއެވެ.
އެމަނިކުފާނު ވިދާޅުވީ އެމްޑީއެންގެ ރިޕޯޓުގެ މައްސަލަ ފެންމަތިވުމުން އެ ރިޕޯޓު ވިދާޅުވި ކަމަށާއި ރައްޔިތުންގެ މަޖިލީހުގައި އެ ރިޕޯޓުގެ މައްސަލައިގައި 47 މެމްބަރުން ބަހުސް ކުރެއްވި ކަމަށެވެ.
އަދި މެމްބަރުންނަށް ފާހަގަވި މައްސަލައަކީ އެ ރިޕޯޓުގައި ކީރިތި ރަސޫލާ (ސ.އ.ވ)އަށް ދޭން ޖެހޭ ގަދަރާއި ކަރާމާތް ނުދިނުމާއި،ބައެއް ބަސްތައް އެ އޮންނަ ހަމައިގެ ތެރެއިން ބޭނުން ނުކުރުން ކަމަށެވެ. އެކަން އެގޮތަށް ވަނީ އެއްވެސް މީހަކު އިސްލާމް ދީން ބަލިކަށި ކުރަން ނުވަތަ އެ ދީނާ މެދު ނަފްރަތު އުފެއްދުމުގައި މަގްސަދުގައި ނޫން ކަމަށް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
