އިންޑިޔާގެ ދިދަ ނަގާފައިވާ ދެ ބޯޓެއް ރާއްޖޭގެ ސަރަހައްދުން ފެނިއްޖެއެވެ.
ADS BY ORCHID
މީޑިޔާތަކަށް މައުލޫމާތު ދެއްވަމުން އެމްއެންޑީއެފްގެ އިންފޮރމޭޝަން އޮފިސަރ ކެޕްޓަން އިބްރާހިމް އާޒިމް ވިދާޅުވީ ހއ.ތުރާކުނުގެ ހުޅަނގު އުތުރުން 29ނޯޓިކަލް މޭލު ބޭރުން މަސްވެރިކަން ކުރާ ވައްތަރުގެ ބޭރުގެ ދެ ބޯޓެއް ފެނިފައިވާކަމަށެވެ.
އާޒިމް ވިދާޅުވީ އެ އުޅަނދުތައް އެމްއެންޑީީއެފްގެ ކޯސްޓްގާޑްގެ ބެލުމުގެ ދަށުގައިވާކަމަށާއި މިހާރު އެ އުޅަނދުތައް ވަނީ އުލިގަމު ބޭރުގައި ބަނދަރުކޮށްފައިކަމަށެވެ.
މީގެ ތެރެއިން އެއް ބޯޓުގައި ނުވަ މީހުން ތިބިއިރު، އަނެއް ބޯޓުގައި ތިބީ ދިހަ މީހުންނެެވެ. މި ދެބޯޓުގައި ނަގާފައިވަނީ އިންޑިޔާގެ ދިދައެވެ.
މި މައްސަލަ ކަމާއިބެހޭ ފަރާތްތަކާއި ގުޅިގެން ދަނީ އިތުރަށް ބަލަމުންނެވެ.
