ޝައިހް ޝަމީމް އާއި އިތުރު 40 ފަރާތެއް ހައްޔަރުކުރަން އުޅޭކަމުގެ ތުހުމަތުކުރަންފަށައިފި

ޑރ. އަފްރާޝިމްގެ މަރުގެ ރިޕޯޓާއި ގުޅިގެންކަމަށް ބުނެ ދީނީ އިލްމުވެރިޔާ ޝައިހް އާދަމް ޝަމީމް އާއި އިތުރު 40 ފަރާތެއް ހައްޔަރުކުރުމަށް ރާއްޖޭގެ ސަލާމަތީ ބާރުތަކުން ތައްޔާރުވެއްޖެކަމުގެ މައުލޫމާތު "ވޮއިސް" އަށް ލިބިއްޖެއެވެ.

ވަރަށް މުއުތަބަރު ފަރާތަކުން ވޮއިސް އަށް މައުލޫމާތު ދިންގޮތުގައި މަޝްހޫރު "އަންދަލުސް" ދަރުސް ދެއްވި ޝައިހް ޝަމީމް ހައްޔަރުކުރުމަށް ފުލުހުން ވަނީ ތައްޔާރީ ހާލަތައްގެނެވިފައެވެ. މީގެ އިތުރުން ވެސް އިތުރު އިލްމުވެރިން ހިމެނޭ 40 މީހުންގެ ލިސްޓެގައި ހިމެނޭ މީހުންވެެސް ހައްޔަރުކުރުމަށް ފުލުހުން ތައްޔާރުވަމުން އަންކަމަށް ތުހުމަތުކުރެވިފައެވެ.

މި މައްސަލާގައި ފުލުހުންގެ ބަހެއް ހޯދުމަށް ފުލުހުންނަށް ގުޅާލުމުން ވަނީ ބަލާލުމަށްފަހު ގުޅާނެކަމަށް ވިދާޅުވެފައެވެ. އެހެންކަމުން މި މައްސަލާގައި ފުލުހުންގެ ބަސްލިބުމާއެކު މި މައްސަލާގެ ތަފްސީލް ގެނެސްދެވޭނެއެވެ.

ފުލުހުންގެ މީޑިއާ އޮފިޝަލް "ވަގުތު"އަށް ވިދާޅުވީ، އެ މައުލޫމާތު އަދި ދެެވެން ނެތް ކަމަށެވެ.
މިޑީއާ އޮފިޝަލް ވިދާޅުވީ، "ފުލުހުން ކުރަމުންދާ އެކަހަލަ މަސައްކަތްތަކުގެ މައުލޫމާތު ހާމަނުކުރާނެ ކަމަށެެވެ".

މިފަދަ ތުހުމަތު ތަކެއް ކުރެވިފައި މިވަނީ ޑރ. އަފްރާޝިމް އަވަހާރަކޮށްލި މައްސަލައިގެ ރިޕޯޓާއި ގުޅުވައި ދީނީ ޖަމިއްޔާ ސަލަފް އަދި ޑރ. ސަޙީމް އަށް ފިޔަވަޅު އެޅުމަށް މިއަދުގެ މަޖިލީހުން ނިންމާފައިވަނިކޮށެވެ.

ދި އެ މައްސަލައިގައި ޖިނާއީ ކުށްތައް ކުރި އެހެނިހެން ހުރިހާ ފަރާތްތަކާއި މެދު ފިޔަވަޅު އެޅުމަށްވެސް ވަނީ އެދިފައެވެ.

މި ރިޕޯޓް ފާސްކޮށްފައިވަނީ 47 މެމްބަރުންގެ ވޯޓުންނެވެ. ކޮމިޓީ ރިޕޯޓު ފާސް ކުރަން ނުފެންނަ ކަމަށް 10 މެމްބަރަކު ވޯޓު ދެއްވިއެވެ.

ރައްޔިތުންގެ މަޖިލީހުގެ ވެބްސައިޓްގައި އާންމުކޮށްފައިވާ މި ރިޕޯޓްގައިވާ ގޮތުގައި ޑރ.އަފްރާޝީމްގެ މަރާއި ގުޅޭގޮތުން ހިންގާފައިވާ އެކި ކަންކަމުގައި ޝާމިލްވާ ހައްދު ފަހަނައަޅާފައިވާ ފިކުރުތަކުގެ ޖަމްއިއްޔާތަކާއި ޖަމާއަތްތަކުގެ އަދި ދިވެހިރާއްޖޭގައި ހައްދު ފަހަނައަޅާފައިވާ ފިކުރުތައް ކުރިއަރުވާ ހިންގަން މަސައްކަތްކުރާ ޖަމްއިއްޔާތަކާއި ޖަމާއަތްތައް ވާކަން މަރުތަކާއި ބެހޭ ރިޕޯޓްގައި ތަފްސީލްކޮށް ހިމަނާފައިވާ ކަމަށެވެ.

ނަމަވެސް އެ ޖަމާއަތްތަކަށް ނިސްބަތްވާ މީހުންގެ އަދަދާއި އެ ޖަމާއަތްތަކުގައިވާ ސެލްތަކުގެ މީހުންގެ އަދަދުތައް ރިޕޯޓްގައި ހިމަނާފައިނުވާކަން ސަލާމަތީ ޚިދުމަތްތަކާއި ބެހޭ ކޮމެޓީން ވަނީ ބުނެފައެވެ.

ޝައިހް ޝަމީމްއަކީ ދަރުސްތަކުން ރައީސް ނަޝީދު ވާދަކުރެއްވި 2013 ގެ ރިޔާސީ އިންތިހާބުގައި ބޮޑެތި ގޮންޖެހުންތަކެއް ވަނީ ކުރިމަތިވެފައެވެ. އެހެންކަމުން މިއީ ބަދަލު ހިމުގެ ހަރަކާތެެއް ގޮތުގައި ގިނަ ބަޔަކު އަންނަނީ ސިފަކުރަމުންނެވެ.