ސަރުކާރުގެ ދިފާއުގައި މިނިސްޓަރުން: މަހުލޫފުގެ މަލާމާތް ޕީޕީއެމްގެ ޖަލްސާއަށް!

01 Mar 2020 | 23:10

އިދިކޮޅު ޕީޕީއެމް-ޕީއެންސީގެ ލޯކަލް ކައުންސިލް ކެންޕެއިން ފެއްޓުމަށް ރޭ ކާނިވާ ސަރަހައްދުގައި ބޭއްވުނު ބިޔަ ބޮޑު އެއްވުމާއި ގުޅިގެން ގިނަ ބައެއްގެ ފާޑުކިއުމާއި ސަރުކާރު ހިންގާ މައި ޕާޓީ އެމްޑީޕީއަށް އަމާޒުވެފައިވަނިކޮށް ސަރުކާރުގެ ދިފާއުގައި ޔޫތް މިނިސްޓަރ މަހްލޫފް ނިކުންނަވައި ރޭގެ ޖަލްސާއަށް މަލާމާތުގެ ބަސްތަކެއް ރައްދުކޮށްފިއެވެ.

މަހްލޫފް މިރޭ ކުރެއްވި ޓުވީޓެއްގައި ޕީޕީއެމުން ބޭއްވި ޖަލްސާއަށް ދުނިޔެއިން ބޭރުން މީހުން ނުގެނައިކަމަކީ ނަސީބެއް ވިދާޅުވެފައިވެއެވެ.

މިނިސްޓަރ މަހްލޫފް މިހެން ވިދާޅުވެފައިމިވަނީ ރޭގެ ޖަލްސާ ނިންމާލުމަށްފަހު އަވަށްޓެރި ގައުމުތަކުން އެ ޖަލްސާއަށް އައިސްފައި ތިބި މީހުންގެ ފުރުން އެރޭ 11:30 ގައި ހަމަޖެހިފައިވާ ކަމަށް ޖަލްސާގައި ބުނެފައިވާތީއެވެ.

އެމްޑީޕީއަށް އެންމެ ބޮޑު ފާޑުކިޔުމެއް އަމާޒުވެފައިވަނީ މިމަހުގެ 21 ވަނަދުވަހު އެޕާޓީން ލޯކަލް ކައުންސިލް އިންތިހާބުގެ ކެންޕެއިން ފެއްޓުމަށް ބޭއްވި ޖަލްސާގައި ގިނަ އަދަދެއްގެ ހުސް ގޮނޑިތައް ހުރުމުންނެވެ. އެމްޑީޕީގެ އެއްވުންތަކާއި ޖަލްސާތަކުން ފެންނަމުން އައި "ރީނދޫ" ލަޝްކަރު މިފަހަރު ނުފެނުނީސަރުކާރާ މެދު ގިނަ ރައްޔިތުން މާޔޫސްވެ ކަންބޮޑުވެފައިވާތީކަމަށް ސޯޝަލް މީޑިއާގައި އެކި ފަރާތްތަކުން އަންނަނީ ހިޔާލު ފާޅުކުރަމުންނެވެ.

ނިިމިިދޔަ ރިޔާސީ އިންތިހާބުންނާއި މަޖިލިސް އިންތިހާބުން ރައްޔިތުން ތާއީދު ހުރި ގޮތް ފެނިވަޑައިގެންފައިވާ ކަމަށް މަހްލޫފް ވިދާޅުވިއެވެ. އަދި ކުރިއަށް އޮތް ލޯކަލް ކައުންސިލް އިންތިހާބުގައިވެސް ރައްޔިތުން ތިބޭ ގޮތް އެނގިގެން ދާނެ ކަމަށާއި ރައްޔިތުންގެ ތާއީދު އޮތް ގޮތް ނިންމާނީ އޭޕްރީލް 4 ވަނަ ދުވަހު ކަމަށް މަހްލޫފް ވިދާޅުވިއެވެ.

Advertisement

ކޮމެންޓް