ސަޢުދީ ޢަރަބިއްޔާގެ އަމީރު ބަދްރު ބިން ޢަބްދުލް މުޙްސިން ބިން ޢަބްދުލްޢަޒީޒް އަލް ސަޢޫދު އަވަހާރަވުމާގުޅިގެން ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ތަޢުޒިޔާ ވިދާޅުވެއްޖެއެވެ. ރައީސުލްޖުމްހޫރިއްޔާގެ އޮފީހުން މިއަދު ހާމަކުރެއްވި ގޮތުގައި، ރައީސް ޑރ.މުޢިއްޒު ވަނީ ސަޢުދީ ޢަރަބިއްޔާގެ ރަސްގެފާނާއި ވަލީޢަހުދުއަށް ވަކިވަކިން ތަޢުޒިޔާގެ މެސެޖުތަކެއް ފޮނުއްވާފައެވެ. އަދި މި މެސެޖުތަކުގައި ރައީސް ޑރ.މުޢިއްޒު ވިދާޅުވެފައިވަނީ، އަމީރު ބަދްރު ބިން ޢަބްދުލް މުޙްސިން ބިން ޢަބްދުލްޢަޒީޒް އަލް ސަޢޫދު އަވަހާރަވި ޚަބަރު އެއްސެވީ ފުން ހިތާމަޔާ އެކު ކަމަށެވެ.

ހަމަހަމަކަމާ އެކު ކޮންމެ ރައްޔިތަކަށްވެސް ރައީސުލްޖުމްރޫހިއްޔާއާ ސުވާލުކުރެވޭނެ ނިޒާމެއް ޤާއިމްކުރަން ނިންމަވާފައިވާކަމަށް  ރައީސުލްޖުމްހޫރިއްޔާގެ އޮފީހުގެ ޗީފް ސްޕޯކްސްޕާސަން ހީނާ ވަލީދު ވިދާޅުވެއްޖެއެވެ.