ތަޢުލީމީ ވުޒާރާއިން މިއަދު އެކްސްގައިކުރެއްވި ޕޯސްޓެއްގައި ވިދާޅުވީ ކުރިއަށް މިއޮތް ދެ އަހަރުގެ ތެރޭގައި ސަރުކާރުގެ ހުރިހާ ސްކޫލެއް އޭސީ ކުރުމަށް ހަމަޖެހިފައިވާކަމަށެވެ. ތަޢުލީމީ ވަޒީރު ޑރ. އިސްމާޢީލް ޝަފީޢު ވިދާޅުވީ އިރާދަކުރެއްވިއްޔާ، 2 އަހަރު ތެރޭގައި ކޮމިއުނިޓީގެ އެހީތެރިކަމާއެކު ސަރުކާރުގެ ހުރިހާ ސްކޫލެއް އޭސީކޮށް ނިންމާނެ ކަމަށެވެ. ސަރުކާރު ސްކޫލުތަކުގެ ކްލާސްރޫމްތައް އެއަރ ކޮންޑިޝަންކޮށް މި ފެށޭ ދިރާސީ އައު އަހަރުން ފެށިގެން ސޯލާ ޕަވަރ ބޭނުންކުރެވޭ އިޢާދަކުރުވަނިވި ހަކަތައިގެ މަޝްރޫޢުތަކެއް ސްކޫލުތަކުގައި ފެށުމަށް ގަސްދުކުރައްވާކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވީ މިދިޔަ މާޗް މަހުގެ 6 ވަނަ ދުވަހުއެވެ.

ފަލަސްތީނަށް ހާއްސަކޮށް ރަފާހް އަށް ޔަހޫދީން ދެމުންގެންދާ ހަމަލާތައް ހުއްޓުވުމަށް އިންޓަނޭޝަނަލް ކޯޓު އޮފް ޖަސްޓިސް (އައިސީޖޭ) ނުވަތަ ބައިނަލްއަޤުވާމީ ކޯޓުން މިހާރުން މިހާރަށް ފިޔަވަޅު އަޅަން ޖެހޭކަމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެއްޖެއެވެ.