މީހުން ބިނާކުރުމަށް ސްޓެލްކޯއާއި ޕޮލިޓެކްނިކުން އެއްބަސްވުމަކަށް
މީހުން ބިނާކުރުމަށްޓަކައި ސްޓެލްކޯއާއި މޯލްޑިވްސް ޕޮލިޓެކްނިކުން އެއްބަސްވުމުގައި ސޮއިކޮށްފިއެވެ.
މަސައްކަތްތެރިކަމުގެ ދާއިރާތަކަށް މީހުން ބިނާ ކުރުމުގެ އަމާޒުގައި ދެ ކުންފުނިން އެއްބަސްވި މި އެއްބަސްވުމުގައި ސޮއިކުރުން އޮތީ މިއަދު ސްޓެލްކޯގައެވެ.
އެކަމަށްޓަކައި ބޭއްވި ހާއްސަ ރަސްމިއްޔާތުގައި ސްޓެލްކޯގެ ފަރާތުން ސޮއިކުރެއްވީ ސްޓެލްކޯގެ މެނޭޖިން ޑިރެކްޓަރު އަހްމަދު ޝަރީފް އާދަމްއެވެ. އަދި ޕޮލިޓެކްނިކްގެ ފަރާތުން ސޮއިކުރެއްވީ އެ ކުންފުނީގެ ސީއީއޯ މުހައްމަދު ހާޝިމެވެ.
ސްޓެލްކޯގައި ހިންގާ އެކި އެކި ފަންނީ އަދި މަސައްކަތްތެރިކަމުގެ ދާއިރާތަކަަށް މީހުން ތަމްރީނު ކުރުމުގެ މަގުސަދުގައި އެ ކުންފުނިން މި މަސައްކަތް ފަށާފައި ވާއިރު ޕޮލިޓެކްނިކުން މި މަސައްކަތް ފަށާފައި ވަނީ އެކި ކޯސްތަކުގެ އަމަލީ ތަޖުރިބާ ހޯދައިދިނުމަށެވެ.
އެއްބަސްވުމާ ގުޅޭގޮތުން ސްޓެލްކޯގެ އެމްޑީ ޝަރީފު ވިދާޅުވީ، މި އެއްބަސްވުމަކީ ތާރީހީ، މުހިންމު އެއްބަސްވުމެއް ކަމަށެވެ. އަދި މި އެއްބަސްވުމާއެކު ދެ ކުންފުންޏަށް ލިބިފައިވާ ވަސީލަތްތައް ހެޔޮގޮތުގައި ބޭނުން ކުރުމަށް މަގު ތަނަވަސްވާނެ ކަމަށެވެ.
ސްޓެލްކޯއާކު މި ވެވުނު އެއްބަސްވުމުގެ ސަބަބުން ޕޮލިޓެކްނިކްގެ މުވައްޒަފުންނާއި ދަރިވަރުންނަށް އަދި ސްޓެލްކޯގެ މުވައްޒަފުންނަށްވެސް ކުރިއެރުން ލިބޭނެ ކަމަށް ޕޮލިޓެކްނިކްގެ ސީއީއޯ ހާޝިމް ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
