ޒޯން ދޭއްގެ ފައިނަލްގެ ދެވަނަ ލެގު ފަސޭހައެއް ނުވާނެ: އިނގުރައިދޫ ޓީމު މެނޭޖަރ

ސޮނީ ސްޕޯޓްސް ގޯލްޑަން ފުޓްސަލް ޗެލެންޖު 2023 ގެ ޒޯން ދޭއްގެ ފައިނަލުގެ ދެވަނަ ލެގުގައި މާދަމާރޭ އޭދަފުއްޓާއި ދެކޮޅަށް ކުޅޭ މެޗު ފަސޭހައެއް ނުވާނެކަމަށް އިނގުރައިދޫ ޓީމުން ބުނެފިއެވެ.

ޒޯން ދޭއްގައި މިފަހަރު ބައިވެރިވެފައި ވަނީ ރ. އަތޮޅާއި ބ. އިތޮޅުން އެކަންޏެވެ. މި ޒޯނުގައި ހިމެނޭ ނ.އަތޮޅު މި އަހަރުގެ މުބާރާތުގައި ބައިވެރިއެއް ނުވެއެވެ. ވުމާއިއެކު މިއަހަރުގެ ޒޯން ދޭއްގެ ފައިނަލު ކުޅުމަށް ހަމަޖެހިފައިވަނީ ރ.އަތޮޅާއި ބ.އަތޮޅުގެ ޗެންޕިއަނުންގެ މެދުގައި ދެ ލެގު ( ހޯމް އެންޑް އަވޭގެ އުސޫލުން ) ނެވެ.

ފައިނަލުގެ ފުރަތަމަ ލެގު 3-1 ގެ ނަތީއްޖާއަކުން އިނގުރައިދޫ ކާމިޔާބުކޮށްފައި އޮތުމުން މާދަމާރޭ ކުޅެވޭ ދެވަނަ ލެގު އެއްވަރުކޮށްލައިގެން ވެސް ޒޯން ދޭއްގެ ޗެންޕިއަންކަން ހޯދުމުގެ ފުރުސަތު އިނގުރައިދޫ ޓީމަށް އެބައޮތެވެ.

މާދަމާރޭގެ މެޗާއި ބެހޭގޮތުން ވޮއިސް އެމްވީ އަށް މައުލޫމާތު ދެމުން އިނގުރައިދޫ ޓީމުގެ މެނޭޖަރ ބުނީ ފުރަތަމަ ލެގުން މޮޅުވެފައި އޮތުމުން އެކަމުގެ ހިތްހަމަޖެހުން އެބައޮތް ކަމަށާއި މާދަމާރޭގެ މެޗަކީ މުޅިން ތަފާތު މެޗެއްކަމަށެވެ.

ޓާމު އޮތީ ދެވަނަ ލެގަށް ވެސް ވަރަށް ރަގަޅަށް ތައްޔާރުވެފައި, އެގޭ މެޗު ވަރަށް އުދަގޫވާނެކަން ވެސް އެކަމަކު އުންމީދަކީ އިރާދަކުރެއްވިއްޔާ މެޗުން މޮޅުވެ ޒޯން ޗެންޕިއަނުންގެ ގޮތުގައި ގަދަ 16 ޓީމުގެ ތެރޭގައި ހިމެނުމެވެ.

މީގެ އިތުރުން މި މުބާރާތުގައި އިނގުރައިދޫ ސަޕޯޓަރުންގެ ފަރާތުން ޓީމަށް ލިބެމުންދާ ތަރުހީބު ފާހަގަކޮށް ހުރިހާ ސަޕޯޓަރުންނަށް ޝުކުރުއަދާކުރަން ބޭނުން އަދި ޓީމުގެ ހުރިހާ ކުޅުންތެރިންގެ ވަރަށް ބޮޑު އެދުމެއް މާލެ، ހުޅުމާލެ އަދި ވިލިގިލީގައި ދިރިއުޅޭ އިނގުރައިދޫގެ ހުރިހާ ރައްޔިތުންވެސް ދަނޑަށް ވަޑައިގެން, ކުޅިވަރުގެ ރޫހާއި އެއްގޮތަށް ޓީމަށް ތަރުހީބުދިނުމަކީ.

މި މުބާރާތުގައި އިގުރައިދޫ ޓީމުގެ މީޑިއާ ޕާޓްނަރަކަށް ވޮއިސް އެމްވީ ހަމަޖައްސާފައިވާއިރު، އެޓީމުގެ ސްޕޮންސަރުންނަކީ ޒީން، ސުޕާރީ ފިހާރަ އަދި ބޯލްޑް އެވެ. އެޓީމުގެ ކިޓް ސްޕޮންސާރ އަކީ ޖާޒިއާ އެމްވީ އެވެ.