ފުރަތަަމަ ހާފުގައި ކާމިޔާބު ކުރި ދެލަނޑާއެކު ފައިނަލުގެ ފުރަތަަމަ ޖާގަ ސްޓްރީޓް ބްރަދާސްއަށް!

އިނގުރައިދޫ ކައުންސިލް ފުޓްސަލް ފިއެސްޓާގެ ސެމީ ފައިނަލް ފުރަތަަމަ މެޗުގައި މިރޭ ހަލަފް އެފްސީ 2-0 ގެ ނަތީޖާއަކުން ބަލިކޮށް މުބާރާތުގެ ފައިނަލުގެ ފުރަތަަމަ ޖާގަ ސްޓްރީޓް ބްރަދާސް އިން ހޯދައިފި އެވެ.

ދެޓީމުގެ ފަރާތުން ވާދަވެރި ކުޅުމެއް ފެނިގެންދިޔަ މިމެޗުގެ ފުރަތަަމަ ލަނޑު ސްޓްރީޓް ބްރަދާސްއަށް ކާމިޔާބުކޮށްދިނީ މުހައްމަދު އިސާމް އެވެ. އަދި ހާފު ނިމުމުގެ ކުރިން އެޓީމުގެ އަހުމަދު އައިހަމް ވަނީ އިތުރު ލަނޑެއް ކާމިޔާބުކޮށް މެޗުގެ ނަތީޖާ 2-0 އަށް ބަދަލުކޮށްދީފައެވެ.

މިއާއެކު ފުރަތަަމަ ހާފުގެ ކުޅުން ނިމިގެންދިޔައީ 2-0 ން ސްޓްރީޓް ބްރަދާސް ކުރީގައި އޮވެގެންނެވެ. އަދި ދެވަނަ ހާފުގައި ދެޓީމުގެ ފަރާތުން ވެސް ފޯރިގަދަ ކުޅުމެއް ފެނިގެންދިޔަ މިމެޗުގައި ނަތީޖާ ބަދަލުކޮށްލުމަށް މި ހާފުގައި ދެޓީމަށް ލިބުނު ފުރުސަތުތަކުގައި ދެޓީމުންކުރެ ޓީމަކަށް އިތުރު ލަނޑެއް ކާމިޔާބު ކުރެވޭގޮތެއް ނުވިއެވެ.

ސްޓްރީޓް ބްރަދާސް މުބާރާތުގެ ސެމީ ފައިނަލުން ޖާގަ ހޯދީ ގްރޫޕް އޭގެ އެއްވަނަ ޓީމުގެ ގޮތުގައެވެ. އަދި ހަލަފް އެފްސީ ސެމީގެ ފުރުސަތު ހޯދީ ގުރޫޕް ބީގެ ދެވަނަ ޓީމުގެ ގޮތުގައެވެ.

މިރޭގެ މެޗުގެ މޭން އޮފް ދަ މެޗަކަށް ހޮވުނީ މި މެޗުގައި ސްޓްރީޓް ބްރަދާސް އިން ކާމިޔާބުކުރި ދެވަނަ ލަނޑު ކާމިޔާބުކޮށްދިން އަހުމަދު އައިހަމް އެވެ.

މުބާރާތުގެ ފައިނަލުގައި ސްޓްރީޓް ބްރަދާސް ނުކުންނާނީ މިރޭ ކުޅެވޭ ދެވަަނަ ސެމީގައި ދަ ސްކޯޕިއަން އާއި އެފްސީ ހެސަ ވާދަ ވާދަކުރާ މެޗުން މޮޅުވާ ޓީމަކާއި ދެކޮޅަށެވެ. ފައިނަލް މެޗު ކުޅުމަށް ހަމަޖެހިފައިވަނީ އެޕްރިލް މަހުގެ ތިންވަނަ ދުވަހު ރޭ އެވެ.