އަލް ޤުދްސް ހޮސްޕިޓަލުގެ ގޯތިތެރެއަށް ހަމަލާތަކެއް ދީފި
ފަލަސްޠީނުގެ ޣައްޒާގައި ހުންނަ އަލް ޤުދްސް ހޮސްޕިޓަލުގެ ގޯތި ތެރެއަށް އިޒްރާއިލް ސިފައިން ހަމަލާތަކެއް ދީފިއެވެ.
އަލްޖަޒީރާގައި ރެޑް ކްރެސެންޓަށް ހަވާލާދީ ބުނެފައިވަނީ ޤުދްސް ހޮސްޕިޓަލްގެ ގޯތިތެރެއަށް ދޭން ފެށި ހަމަލާތައް އިޒްރާއިލް ސިފައިން ދޭން ފަށައިފައިވަނީ ފަތިހުގެ ވަގުތުގައި ކަމަށެވެ.
ޤުދްސް ހޮސްޕިޓަލަކީ ރެޑް ކްރެސެންޓާއި ގުޅިގެން ހިންގަމުންދާ ހޮސްޕިޓަލެކެވެ. އެގޮސްޕިޓަލް ހުންނަނީ ޣައްޒާގެ ތާލް އަލްހަވާ ނެެއިބަރހުޑްގައެވެ.
އިޒްރާއިލް ސިފައިންވަނީ އެހޮސްޕިޓަލަށް ބޮން އަޅާނެ ކަމުގެ އިންޒާރު ވަރަށް ގިނަ ފަހަރަށް ވަނީ ދީފައެވެ. ޤުދުސް ހޮސްޕިޓަލަކީ 14000 އަށްވުރެ ގިނަ ގެދޮރު ގެއްލިފައިވާ ޣައްޒާގެ ރައްޔިތުން ވަގުތީ ގޮތުން ބޯހިޔާވަހިކަން ހޯދަމުންދާ ތަނެކެވެ.
ރެޑް ކްރެސެންޓުން ބުނެފައވަނީ އިޒްރާއިލުން އިންޒާރު ދިން ކަމުގައިވިޔަސް ޤުދްސް ހޮސްޕިޓަލް ހުސްނުކުރާނެ ކަމަށެވެ. ރެޑް ކްރެސެންޓުން ދުނިޔެއަށް ގޮވައިލައިފައިވަނީ އިޒްރާއިލުން ހިންގަމުންދާ ޖަރީމާތައް ހުއްޓުވުމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
