ޣައްޒާގައި އިޒްރާއިލުން ހިންގަމުންދާ ޤަތުލްޢާންމު ދުވަހަކުވެސް ހަނދާން ނައްތާނުލެވޭނެ: އުރްދުޣާން
ފަލަސްޠީނުގެ ޣައްޒާގައި އިޒްރާއިލުން ހިންގަމުންދާ ޤަތުލްޢާންމު ހަނދާން ނައްތައިނުލެވޭނެ ކަމަށާއި، އެކަން ހަނދާން ނައްތާލިޔަ ނުދޭނެ ކަމަށް ތުރުކީވިލާތުގެ ރައީސް ރަޖަބް ޠައްޔިބް އުރްދުޣާން ވިދާޅުވެއްޖެއެވެ.
އުރްދުޣާން މިހެން ވިދާޅުވީ، ކޮޕް28 ސަމިޓްގައި ބައިވެރިވެވަޑައިތަމަށްފަހު އެނބުރި ޤައުމަށް ވަޑައިގެން ނޫސްވެރިންނާއި ބައްދަލުކުރައްވަވާ ދެއްކެވި ވާހަކަފުޅުގައެވެ.
އުރްދުޣާންގެ ވާހަކަފުޅުގައި ވިދާޅުވެފައިވަނީ އިޒްރާއިލުން ޣައްޒާގައި ހިންގަމުންދާ ޤަތުލްޢާންމު ހަނދާން ނައްތައިނުލެވޭނެ ކަމަށާއި، އަދި އެހެން މީހުންވެސް އެކަން ހަނދާން ނައްތާލިޔަ ނުދެއްވާނެކަމަށެވެ. މީގެ އިތުރުން އިޒްރާއިލުން އެމީހުންގެ ޢަމަލުތަކާއި މެދު ޖަވާބުދާރީ ވާން ޖެހޭނެ ކަމަށްވެސް އެމަނިކުފާނުވަނީ ވިދާޅުވެފައެވެ.
މީގެ އިތުރުން އުރްދުޣާން ވިދާޅުވީ، ޤާނުނުތަކާއި ޚިލާފަށް އިޒްރާއިލުން ހިންގަމުންގެންދާ ހަނގުރާމައިގެ ޖަރީމާތައް އަލުން ފަށައިގެން ކުރިއަށް ގެންދިޔުމަކީ، އިޒްރާއިލަކީ ނިރުބަވެރި ބައެއް ކަމަށް ތުރުކީވިލާތުން ކުރި ތުހުމަތަށް ބާރު ލިބިދޭ ކަމެއް ކަމަަށެވެ.
“ސުލްޙަޔަށް ދޮރެއް ހުޅުވިދާނެ ކަމުގެ އުއްމީދު ކުރެވުނު، އެހެންނަމަވެސް އިޒްރާއިލްގެ ޢަމަލު ތަކުގެ ސަބަބުން މިހާރު އެ އުންމީދު ވެސް ގެއްލިއްޖެ” އުރްދުޣާން ވިދާޅުވެފައިވެއެވެ.
ދެފަރާތުގެ ހަމަލާތައް 7 ދުވަހަށް ހުއްޓައިލުމަށްފަހު މިހާރުވަނީ ހަމަލާތައް އަލުން ފަށައިފައެވެ. އިޒްރާއިލުން ދެމުންދާ ހަމަލާތަކުގައި އެތައް ބަޔަކު ޝަހީދުވެ އެތައް ބަޔަކު ވަނީ ޒަޚަމްވެފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
