އެޗްޑީސީގެ އެމްޑީކަމަށް އާތިފް ހަމަޖައްސައިފި

ހުޅުމާލޭ ޑިވެލޮޕްމަންޓު ކޯޕަރޭޝަންގެ މެނޭޖިންގ ޑިރެކްޓަރުކަމުގެ މަގާމަށް އަހުމަދު އާތިފް ހަމަޖައްސައިފިއެވެ.

އެ މަގާމަށް އޭނާ ހަމަޖެއްސުމުގެ ކުރިން އާތިފު ހުންނެވީ އެޗްޑީސީގެ މެނޭޖިން ޑިރެކްޓަރުގެ މަގާމުގައެވެ.

އެޗްޑީސީގެ މެނޭޖިން ޑިރެކްޓަރުގެ މަގާމު ހުސްވީ އެ މަގާމުގައި ކުރިން ހުންނެވި ސުހެއިލް އަހުމަދު މުސްކުޅިކުރެއްވުމާއި ގުޅިގެންނެވެ.

ސުހައިލަކީ އެޗްޑީސީ އުފެދުނީއްސުރެ އެ އިދާރާގައި ވަރަށް ގިނަ ދުވަސްތަކެއް ވަންދެއް މަސައްކަތް ކުރެއްވި ބޭފުޅެކެވެ. އަދި އޭނާ ވަނީ މީގެ ކުރިން 2012 އިން 2015އާ ދެމެދު އެޗްޑީސީގެ މެނޭޖިން ޑިރެކްޓަރުކަން ވެސް ކުރައްވާފަ އެވެ.

އާތިފު އެޗްޑީސީގެ މެނޭޖިން ޑިރެކްޓަރުގެ މަގާމަށް ހަމަޖައްސާފައިވާކަން އެ ކުންފުނިން ހާމަކޮށްފައިވާއިރު، އާތިފުގެ އެމްޑީ ކަމުގެ ދަށުން އެ ކުންފުންޏަށް އިތުރު ކުރިއެރުންތައް ލިބިގެންދާނެކަމަށް އުންމީދުކުރާކަންވެސް ފާހަގަކޮށްފައިވެއެވެ.