ލެބޯޓްރީ ސާމްޕަލްތައް ފޮނުވުމަށް ޑްރޯން ބޭނުންކުރަން ފަށައިފި
ލެބޯޓްރީ ސާމްޕަލްތައް ފޮނުވުމަށް ޑްރޯން ބޭނުންކުރަން ފަށައިފިއެވެ.
އެޚިދްމަތް ތަޢާރަފްކޮށްފައިވަނީ އެ ޚިދްމަތް އޮޕަރޭޓް ކުރާ އެސްޓީއޯ އިންނެވެ.
މި ޚިދްމަތް ފެށުމާއި އެކު އިމަޖެންސީގައި ހޯދަން ޖެހޭ، އެކަމަކު ރަށްރަށުން ލިބެން ނެތް ބޭހާއި ލެބޯޓަރީ ސާމްޕަލް ފަދަ ތަކެތި ދެން އުފުލާނީ ޑްރޯންގެ އެހީގަ އެވެ.
ސްވިޒަލެންޑްގެ ރިގީޓެކްގެ މި ޑްރޯން ޚިދުމަތް މުޅި ރާއްޖޭގައި ދޭނެ އެވެ. އެއް ޑްރޯނާއެކު އިއްޔެ ހުވަދު އަތޮޅުގައި މި ޚިދުމަތް ދޭން ފެށި އިރު، ސަރުކާރުގެ އަމާޒަކީ މާ ލަސްތަކެއް ނުވެ އެކި އަތޮޅުތަކުގައި މި ފަދަ ޑްރޯންތައް ބެހެއްޓުން ކަމަށް ސަރުކާރުން ބުނެއެވެ
ހާއްސަ ތަމްރީނުތަކަށް ފަހު ދުއްވޭ މި ޑްރޯނަކީ ގަދަ ވައިގައި ވެސް ހިފަހައްޓާ އެއްޗެކެވެ. ޑްރޯން ދުއްވަން ތިބޭނީ، ސިވިލް އޭވިއޭޝަންގެ ހުއްދައާ އެކު އެ ކަމަށް ތަމްރީނުކޮށްފައިވާ ވަކި ބައެކެވެ. ޑްރޯންތައް ދުއްވަން ޖެހޭނީ، އެއާ ޓެކްސީ ރޭންޖަށް ވުރެ ތިރިންނެވެ.
ޑްރޯން އޮޕަރޭޓްކޮށް، މެނޭޖްކުރާނީ އެސްޓީއޯ އިންނެވެ. އެ ކުންފުނިން ބުނެފައިވަނީ އެ ޚިދުމަތަށް ބޭނުންވާ ތަމްރީނު، މުވައްޒަފުންނަށް ދިނުމަށް ވަނީ ހަމަޖެހިފައި ކަމަށެވެ.
މޯލްޑިވްސް ހެލްތް ލައިން މި ޕްރޮޖެކްގެ އަގަކީ 54.5 މިލިއަން ރުފިޔާ އެވެ. އެގޮތުން މި ލޯންޗްތަކުގެ ޖުލްމަ އަގަކީ 50 މިލިއަން ރުފިޔާ އެވެ. އަދި ޑްރޯންތަކުގެ އަގު 4.5 މިލިއަން ރުފިޔާ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
