"ހޭވައްލާ ތައްޔާރު"ގެ ނަމުގައި އެސްޓީއޯއިން ޕްރޮމޯޝަނެއް ފަށައިފި

އެސްޓީއޯއިން ވޯލްޑްކަޕާއި ގުޅުވައިގެން "ހޭވައްލާ ތައްޔާރު"ގެ ނަމުގައި ޚާއްސަ ޕްރޮމޯޝަނެއް ފަށައިފިއެވެ.

މިޕްރޮމޯޝަން ކުރިޔަށްގެންދާނީ އަންނަ މަހުގެ 30ވަނަ ދުވަހުގެ ނިޔަލަށެވެ. މި ޕްރޮމޯޝަނުގައި ގިނަ ޑިސްކައުންޓުތަކާއި ބޮޑެތި އިނާމުތަކެއް ދިނުމަށް ވަނީ ހަމަޖެހިފަ އެވެ.

އެސްޓީއޯ ޕީޕަލްސް ޗޮއިސްގައި މިއަދު ބޭއްވި ހާއްސަ އިވެންޓެއްގައި މި ޕްރޮމޯޝަން އިފްތިތާހު ކޮށްދެއްވީ އެ ކުންފުނީގެ މެނޭޖިން ޑިރެކްޓަރު ހުސެއިން އަމްރު އެވެ.

އެސްޓީއޯއިން ވިއްކާ ސެމްސަންގް އަދި ފިލިޕްސް ބްރޭންޑުގެ ޓީވީތަކަށް ހާއްސަ ކޮށްގެން ކުރިއަށް ގެންދާ މި ޕްރޮމޯޝަނުގައި ގަންނަ ކޮންމެ ޓީވީއަކަށް 15 ޕަސެންޓާ ހަމައަށް ޑިސްކައުންޓުގެ އިތުރުން ޓީވީ ހަރުކުރާ ބްރެކެޓެއް ހިލޭ ލިބޭނެ އެވެ. އަދި ފިލިޕްސް ބްރޭންޑުގެ 50 އިންޗީގެ ކޮންމެ ޓީވީއަކާ އެކު ހިލޭ ސައުންޑްސްޕީކާ ބާ އެއް ލިބިގެންދާނެ އެވެ.

މި ޕްރޮމޯޝަންގެ 1ވަނަ އިނާމަކަށް އައިފޯން 14 ޕްރޯ މެކްސްއެއް، 2 ވަނަ އިނާމަކަށް ޕީއެސް 5 އެއް ވީއާރް އާއެކު އަދި 3ވަނަ އިނާމަކަށް އެސްޓީއޯ ޕީޕަލްސް ޗޮއިސްގެ 15000 ރުފިޔާގެ ގިފްޓް ވައުޗަރ އެއް ދިނުމަށްވަނީ ހަމަޖެހިފައެވެ.

އެސްޓީއޯއިން ބުނީ ޕްރޮމޯޝަން ކުރިއަށްދާ ދުވަސްވަރު އެސްޓީއޯ ޕީޕަލްސް ޗޮއިސްގައި ވަގުތުން އިނާމު ލިބޭ އެކި ގޭމުތައްވެސް ކުރިއަށްދާނެ ކަމަށެވެ.