ރައީސް ޔާމީންގެ އިސްތިއުނާފީ އަޑުއެހުން އާދީއްތައަށް ތާވަލު ކޮށްފި
ވ. އާރަށް މައްސަލައިގައި ކުރީގެ ރައީސް އަބްދުالله ޔާމީންގެ މައްޗަށް ކުރި ހުކުމާ ގުޅިގެން ހައި ކޯޓުގައި އިސްތިއުނާފްކޮށްފައިވާ މައްސަލައިގެ އަޑުއެހުމެއް އާދީއްތަ ދުވަހަށް ތާވަލުކޮށްފިއެވެ.
ރައީސް ޔާމީންގެ ވަކީލު އަބްދުالله ޝިޔާޒް ކުރެއްވި ޓްވީޓެއްގައި ވިދާޅުވީ، ރައީސް ޔާމީންގެ ފަރާތުން ހައިކޯޓުގައި އިސްތިއުނާފުކުރެވިފައިވާ އާރަށުގެ މައްސަލައިގެ އަޑުއެހުން އާދީއްްތަ ދުވަހުގެ މެންދުރު 13:45 އަށް ތާވަލު ކޮށްފައިވާ ކަމަށެވެ.
ރައީސް ޔާމީންގެ އިސްތިއުނާފް މައްސަލައިގެ އަޑުއެހުމެއް ސެޕްޓެމްބަރު 21 ވަނަ ދުވަހު ވެސް ވަނީ ތާވަލް ކޮށްފައެވެ. ނަމަވެސް ޕްރޮސިކިއުޓަރ ޖެނެރަލް އޮފީހުގެ އެދިވަޑައިގަތުމަށް އެ އަޑުއެހުން ވަނީ ކެންސަލްކޮށްފަ އެވެ. އެފަހުންވެސް ތާވަލް ކުރުމަށްފަހު ސަރުކާރު ބަންދުވުމުންވެސް އަޑު އެހުމެއް ކެންސަލް ވިއެވެ.
ރައީސް ޔާމީންގެ އާރަށު އިސްތިއުނާފް ގެ މައްސަލަ މިހާރު ނިމުމަކާއި ގާތް ވެފައިވާއިރު، މިހާރު އެމަނިކުފާނު ހުންނެވީ އެ މައްސަލާގައި ކުރި ޖަލު ހުކުމް ލުއިކޮށް ގޭ ބަންދުގައެވެ. އެމަނިކުފާނު ގެއަށް ބަދަލު ކުރެއްވީ އިންތިޚާބީ ރައީސް ޑރ މުހައްމަދު މުއިއްޒު ގެ އެދިލެއްވުމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
