ފަލަސްތީނުގެ ހީބްރުންގެ ރައްޔިތުން, ގެއިން ނުކުންނަ ނަމަ ބަޑި ޖަހާނެ ކަމުގެ އިންޒާރު ދީފި

ފަލަސްތީނުގެ އަވަށެއް ކަމުގައިވާ ހީބްރުންގައި ދިރިއުޅޭ ފަލަސްތީނުގެ ރައްޔިތުން ދިރިއުޅެނީ ޖަލަށް ލައިފައި ތިބޭ ގައިދީން ތަކެއް ފަދައިން ކަމަށް ބޭރުގެ ނޫސް ތަކުން ރިޕޯޓް ކޮށްފިއެވެ.

ހީބްރުން ގެ އެޗް 2 ގައި އުޅޭ 700 އިސްރާއީލް ރައްޔިތުންނަށް އެގައުމުގެ އަސްކަރީން ރައްކާތެރިކަން ދީފައިވާއިރު، ހަމަ އެ އަވަށުގައި އުޅޭ 3500 ފަލަސްތީން ރައްޔިތުން ބޭރަށް ނުކުތަސް ބަޑިން ހަމަލާދޭނެ ކަމުގެ އިންޒާރު ވަނީ ދީފައެވެ.

މި އަވަށަކީ ފަލަސްތީނުގެ ބިމުގެ ޖުމްލަ ވިހި ޕަސެންޓް ކަވަރު ކުރާ އަވަށެކެވެ. އަދި މި ބިމަކީ ފަލަސްތީންގެ ރައްޔިތުން ދިރިއުޅޭ ބިމެއް ކަމުގައި ވިޔަސް މިތަނުގައި އިސްރާއިލް ރައްޔިތުން ގާނޫނާއި ހިލާފަށް ދިރިއުޅެއެވެ. ގާތްގަނޑަކަށް 3500 ފަލަސްތީނު ރައްޔިތުން ދިރިއުޅޭ މި އަވަށުގެ ބާރު އިސްރާއިލް ސިފައިންގެ އަތް ދަށަށް ދިޔަ ފަހުން، ފަލަސްތީނުގެ ރައްޔިތުން ދިރިއުޅޭ ސަރަހައްދުުން ފެންނަނީ ހުސްކަމެވެ.

އަނިޔާވެރި އިސްރާއީލް ސިފައިން ދަނީ މި ސަރަހައްދުގައި ދިރިއުޅޭ ފަލަސްތީނުގެ ރައްޔިތެއްގެ ހިލަމެއް ވޭތޯ ގޭގޭގެ ފުރާޅާއި މަގުތައް މަތީގައި ހަތިޔާރާއި އެކު ހަރަކާތްތެރި ވަމުންނެވެ.

އިސްރާއީލް ގެ މި ދަތި ކުރުމުގެ ފިޔަވަޅުގެ ސަބަބުން ހީބްރުން ގައި ދިރިއުޅޭ ފަލަސްތީނުގެ ރައްޔިތުންނަށް ވަނީ ގެއިން ބޭރަށް ނުނިކުމެވި، ދިރިއުޅުމުގެ ވަރަށް ގިނަ އަސާސީ ބޭނުން ތަކުން މަހުރޫމް ވެފައެވެ.

"މީގެ ކުރީގައި ލޮކްޑައުން އަކަށް ދާއިރު ބޭރަށް ގޮސް ތަކެތި ގަނެ ދިރިއުޅުމުގެ އާންމު ބޭނުންތައް ފުއްދޭނެ. އެހެންނަމަވެސް މިހާރު އެވަރު ކަމެއް ކުރުމުގެ މިނިވަންކަމެއް އެކަކަށް ވެސް ނެތް." ލޯކަލް ޑްރައިވަރުންގެ ޔޫނިއަން ގެ ނައިބު ރައީސް ބައްސާމް އަބޫ އައިޝާ ވިދާޅުވިއެވެ.

ފަލަސްތީނުގެ ރައީސް މަހްމޫދް އައްބާސް ވެސް ވަނީ ޣައްޒާގައި މިހާރު ކުރިއަށްދާ ހަނގުރާމަ ވަގުތުން ވަގުތައް ހުއްޓާލުމަށް ގޮވާލައްވާފައެވެ.