ޗެމްޕިއަންސް ލީގު: ޔުވެންޓަސް ބަލިކޮށް ޕީއެސްޖީއިން ފުރަތަމަ މެޗު ކާމިޔާބު ކޮށްފި

ޗެމްޕިއަންސް ލީގު ގުރޫޕް ސްޓޭޖުގައި އިޓަލީގެ ޔުވެންޓަސް ބަލިކޮށް ފްރާންސްގެ ޕީއެސްޖީއިން ފުރަތަމަ މެޗު ކާމިޔާބުކޮށްފިއެވެ.

ފްރާންސްގެ ވެރިރަށް ޕެރިހުގަައި ރޭ ކުޅެވުނު މި މެޗު ޕީއެސްޖީއިން ކާމިޔާބު ކޮށްފައިވަނީ 1-2 ގެ ނަތީޖާއަކުންނެވެ. މެޗުގައި ދެ ޓީމުގެ ފަރާތުންވެސް ވާދަވެރި ކުޅުމެއް ފެނިގެން ދިޔައިރު ގިނަ ވަގުތު ބޯޅަ ހިފަހައްޓައިގެން ކުޅެފައިވަނީ މެޗުން ބަލިވި ޔުވެންޓަސް އިން ކަން ފާހަގަ ކުރެވެއެވެ.

ރޭގެ މެޗުގައި ފުރަތަމ ގޯލު ޖަހާ ލީޑު ނެގީވެސް ޕީއެސްޖީ އިންނެވެ. އެގޮތުން މެޗުގެ 5 ވަނަ މިނަޓުގައި ނޭމާގެ އެހީތެރިކަމާއި އެކު މި ގޯލު ކާމިޔާބު ކޮށްދިނީ އެމްބަޕޭ އެވެ. އެއަށްފަހު މެޗުގެ 22 ވަނަ މިނަޓުގައި އެމްބަޕޭ ވަނީ އިތުރު ގޯލެއް ޖަހާ ޕީއެސްޖީއަށް ލީޑު ފުޅާ ކޮށްދީފައެވެ.

މެޗުގައި ޔުވެންޓަސް އިން ވަނީ ގިނަ ހަމަލާތަކެއް އުފައްދާފައެވެ. ނަމަވެސް ޕީއެސްޖީގެ ޑިފެންޑަރުންނާއި ގޯލް ކީޕަރު ޑޮނަރޫމާ ވަނީ މޮޅު ކުޅުމެއް ދައްކާފައެވެ. ނަމަވެސް ޔުވެންޓަސް އިން ދެވަނަ ހާފުގައި އިތުރަށް ކުޅުން ރަނގަޅުކޮށް މެޗުގެ 53 ވަނަ މިނަޓުގައި ވަނީ ގޯލެއް ޖަހާފައެވެ. މި ގޯލު އެ ޓީމަށް ކާމިޔާބު ކޮށްދީފައިވަނީ މެކޭނީ އެވެ.