ދީނަށް ފުރައްސާރަ ކުރުމުން ފުރުވާލީ ޝައިހާން، ގުރުއާނަށް އިހާނަތިކޮށް ހިތައިފި!
އިސްލާމްދީނަށާއި މާތް ނަބިއްޔާ ޞައްލަالله ޢަލައިހި ވަސައްލަމައަށް ފުރައްސާރަކުރި މައްސަލައެއް ފެންމަތިވެ، ފުލުހުންގެ ސަމާލުކަމަށް އެކަން ގެނެސްފައިވަނިކޮށް ރާއްޖެއިން ބޭރަށް 'ފުރުވާލި' ހުސައިން ޝައިހާނު (ކުރެދި ކުރި) ކީރިތި ޤުރުއާނަށް އިހާނަތިކޮށް ހިތައިފި އެވެ.
ކީރިތި ޤުރުއާންއަށް ކުޑައިމީސްކޮށް ޝައިހާން މީސްމީޑިއާގައި އާއްމުކޮށްފައިވާ ވީޑިއޯގައި އޭނާ ވަނީ އޭނާ ކީރިތި ގުރުއާންގައިވާ ކަންކަން ގަބޫލު ނުކުރާ ކަމަށް ބުނެފައެވެ. އަދި އޭގެ ސަބަބެއް ކަމުގައި އޭނާ ބުނީ، ލިވާތު ކުރުމާ ދެކޮޅަށް ޤުރުއާނުގައި ބަސްފުޅު އައިސްފައިވުމެވެ.
"ކުރެދިކުރި"ގެ ނަމުގައި ޓްވިޓާގައި ފޭކް އެކައުންޓެއް ހަދައި، ޝައިހާން ދީނަށާއި ޤުރުއާނަށް ހަޖޫޖަހައި މާތް ރަސޫލާ ޞައްލައްالله ޢަލައިހި ވަސައްލަމް އަށް ފުރައްސާރަކޮށް ޓްވީޓް ކޮށްފައިވާކަން ހާމަވެފައިވަނީ އަމިއްލަ ފަރާތަކުން ކުރި ތަހްގީގަކުންނެވެ. އެ މައްސަލަ ފެންމަތިވުމާ އެކު، އޭނާ ވަނީ ރާއްޖެއިން ބޭރަށް ފުރާފައެވެ.
އެކަމާއި ގުޅިގެން ފުލުހުން ބުނެފައި ވަނީ، ޝައިހާން ފުރާފައި ވަނީ އެކަން މަނާ ކުރުމަށް ކޯޓު އަމުރު ހޯދަން ބޭނުންވާ މައުލޫމާތު އެއްކުރަމުން ދަނިކޮށް ކަމަށެވެ. އަދި އެ މައްސަލަ ތަހްގީގު ކުރާނެ ކަމުގެ ޔަގީންކަންވެސް ފުލުހުން އޭރު ދިނެވެ.
އެހެން ނަމަވެސް އެއަށްފަހު އޭނާ ހޯދައިގެން ރާއްޖެއަށް ގެންނަންވެސް އެކަން ތަހުގީގު ކުރަންވެސް ފުލުހުން މަސައްކަތް ކުރި ކަން ހާމަކޮށްފައި ނުވެއެވެ.
އެފަހުން، އެއްޖިންސުން ގުޅުން ހިންގަން ތާއީދުކޮށް ބޭއްވި ހިނގާލުމެއްގައިވެސް އޭނާ ވަނީ ބައިވެރިވެފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
