ފަލަސްޠީން އިޒްރާއިލް ހަނގުރާމަ: އިޒްރާއިލް ރަހީނުންގެ ޢަދަދު 600 އަށް
ފަލަސްޠީނުގެ ހަނގުރާމަ ވެރިންނާއި އިޒްރާއިލްގެ ޔަހޫދީންނައި ދެމެދު ހިނގަމުންދާ ހަނގުރާމައިގައި ފަލަސްޠީނުގެ ހަނގުރާމަ ވެރިން ރަޙީނު ކޮށްފައި ތިބި އިޒްރާއިލްގެ ޔަހޫދީންގެ ޢަދަދު 600 އަށް އަރަފައިވާ ކަމަށް ބުނެފިއެވެ.
އިޒްރާއިލްގެ މީޑީއާ ތަކުން ބުނެފައިވަނީ އިއްޔެ ފަލަސްޠީނުގެ ހަނގުރާމަ ވެރިން ފެށި ހަމަލާތަކާއި އެކު މިހާތަނަށް ފަލަސްޠީނުގެ ހަނގުރާމަވެރިން ރަހީނު ކޮށްފައިވާ އިޒްރާއިލްގެ ޔަހޫދީންގެ ޢަދަދު 600 އަށް އަރައިފައިވާ ކަމަށެވެ.
އިޒްރާއިލްގެ މީޑިއާ އިން ބުނެފައިވަނީ ފަލަސްޠީނުގެ ހަނގުރާމަވެރިންގެ ހަމަލާތަކުގެ ސަބަބުން 1800 އެއްހާ މީހުންނަށް އެކިވަރުގެ އަނިޔާތައް ލިބިފައިވާ ކަމަށާއި އޭގެ ތެރޭގައި ބޮޑެތި އަނިޔާ ތައް ލިބިފައިވާ މީހުން ގިނަކަމަށެވެ.
ހަމާސްގެ ހަނގުރާމަވެރިން ރަޙީނު ކޮށްފައިވާ އިޒްރާއިލް ސިފައިންގެ ޢަދަދު މައްޗަށް ގޮސްފައިވާއިރު ހަމާސްގެ ހަނގުރާމަވެރިން ރަހީނު ކުރި ޔަހޫދީ ސިފައިންގެ ތެރޭގައި އިޒްރާއިލް ސިފައިންގެ އިސް ބައެއް ކޮމާންޑަރުންވެސް ހިމެނެއެވެ.
ހަމާސްގެ ހަމަލާތަކާއި އެކު އިޒްރާއިލްގެ ޔަހޫދީން އެމީހުންގެ ދިރިއުޅޭ ގެތައް ދޫކޮށް ފިލަން ދުވާ މަންޒަރު ބައެއް މީޑިއާތަކުގެ ކެމެރާތަކަށް ރިކޯޑް ކުރެވިފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
