ކުޑަކުއްޖަކަށް ޖިންސީ ގޯނާކުރި މައްސަލާގައި ހައްޔަރުކުރި އައިމަން 30 ދުވަހަށް ބަންދުކޮށްފި
ކުޑަކުއްޖަކަށް ޖިންސީ ގޯނާކުރި މައްސަލާގައި ހައްޔަރުކުރި، ކުރީގެ ކައުންސިލަރު މުހައްމަދު އައިމަން އިސްމާއީލް 30 ދުވަހަށް ބަންދު ކުރަން އަމުރުކޮށްފިއެވެ.
މީގެ ކުރިން މާލެ ސިޓީ ކައުންސިލްގެ މާފަންނު ދެކުނު ދާއިރާގެ މެންބަރުކަން އަދާކުރައްވާފައިވާ އައިމަން ހައްޔަރުކުރީ، މި މަހުގެ 3 ވަނަ ދުވަހުގައެވެ.
އެގޮތުން، އޭނާގެ ބަންދާ މެދު ގޮތެއް ނިންމުމަށް އޭނާ ކޯޓަށް ހާޒިރު ކުރުމުން ކޯޓުން ވަނީ، އޭނާ 30 ދުވަހަށް ބަންދު ކުރުމަށް އަމުރުކޮށްފައެވެ.
ފުލުހުންގެ ތަރުޖަމާނު މައުލޫމާތު ދޭ ގޮތުގައި، އައިމަންގެ ތަހުގީގުގެ ބޮޑު ބައެއް މިހާރު ނިމިފައިވާއިރު، ތަހުގީގާއި ބެހޭ ގޮތުން ފުލުހުން މިހާރު ދަނީ ޕްރޮސެކިއުޓާ ޖެނެރަލް އޮފީހާ މަޝްވަރާކުރަމުންނެވެ.
އައިމަން މާލެ ސިޓީ ކައުންސިލްގެ މާފަންނު ދެކުނު ދާއިރާގެ މެންބަރުކަން އަދާކުރައްވާފައިވަނީ، އެމްޑީޕީގެ ޓިކެޓުގައި 2014 ވަނަ އަހަރު އިންތިހާބުވުމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
