ކޯޕަންހޭގަން ކުޅުންތެރިން ޔުނައިޓެޑް ކޮޅަށް ލަނޑުޖެހުމަށް ފަހު އުފާފާޅުކުރަނީ
ކޯޕަންހޭގަން ކުޅުންތެރިން ޔުނައިޓެޑް ކޮޅަށް ލަނޑުޖެހުމަށް ފަހު އުފާފާޅުކުރަނީ
ކުޅިވަރު 09 Nov 2023 | 08:44

ރަށުން ބޭރުގައި ކޯޕަންހޭގަން އަތުން ވެސް ޔުނައިޓްޑް ބަލިވެއްޖެ

ޔުއެފާ ޗެމްޕިއަންސްލީގު ގްރޫޕް އޭގައި ރޭ ރަށުން ބޭރުގައި ޑެންމާކްގެ ކޯޕަންހޭގަން އާއި ދެކޮޅަށް ކުޅުނު މެޗުން 4-3 ގެ ނަތީޖާއަކުން މެންޗެސްޓާ ޔުނައިޓެޑް ބަލިވެއްޖެ އެވެ.

މިއީ މެންޗެސްޓާ ޔުނައިޓެޑް އެންމެ ފަހުން ކުޅުނު 16 މެޗުގެ ތެރެއިިން އެޓީމު ބަލިވި 9 ވަނަ މެޗެވެ. އަދި މިސީޒަނުގައި ޗެންޕިްއަންސް ލީގުގެ ގްރޫޕް ސްޓޭޖުގައި އެޓީމުން ކުޅުނު ހަތަރު މެޗުގެ ތެރެއިިން ބަލިވި ތިންވަނަ މެޗެވެ.

ދެޓީމުގެ ފަރާތުން ވާދަވެރި ކުޅުމެއް ފެނިގެންދިޔަ މިމެޗުގައި ފުރަތަަމަ ލަނޑުޖަހައި ކުރިހޯދީ މެންޗެސްޓާ ޔުނައިޓެޑުން ނެވެ. މިލަނޑު މެޗު ފެށިގެން ތިންވަނަ މިނެޓުގައި ކާމިޔާބުކޮށްދިނީ އެޓީމުގެ ޑެންމާކް ފޯވާޑް ރަސްމުސް ހޮއިލަންޑް އެވެ. މިއީ އެޓީމުގެ ސްކޮޓްލޭންޑް މިޑްފީލްޑަރު ސްކޮޓް މެކް ޓޮމިނޭ ތަނަވަސްކޮށްދިން ފުރުސަތެއްގައި އޭނާ ކާމިޔާބުކޮށްދިން ލަނޑެކެވެ. އަދި އޭގެ 25 މިނެޓް ފަހުން ހޮއިލަންޑް ވަނީ އިތުރު ލަނޑެއް ކާމިޔާބުކޮށް މެޗުގެ ލީޑު ފުޅާކޮށްދީފައެވެ.

ޔުނައިޓެޑުން މެޗު ޑޮމިނޭޓުކުރަމުން އަންނަނިކޮށް އެޓީމަށް މެޗުގެ ކޮންޓްރޯލް ގެއްލުނީ ފުރަތަމަ ހާފުގެ 42 ވަނަ މިނެޓުގައި އެޓީމުގެ އިގިރޭސި ފޯވާޑް މާކަސް ރަޝްފޯޑް ކުރި ފައުލަކާއި ގުޅިގެން ރެފްރީ އޭނާއަށް ސީދާ ރަތް ކާޑެއް ދައްކާ ދަނޑުން ފޮނުވާލުމުންނެވެ. މިއާއެކު މެޗުގެ ބާކީބައި އެޓީމުން ފުރިހަމަކުރީ އެއްކުޅުތެރިއަކު މަދުކޮށެވެ.

ޔުނައިޓެޑުން އެއް ކުޅުންތެރިއެއް މަދުވުމުގެ ފައިދާ ނަގައި ފުރަތަމަ ހާފު ނިމުމުގެ ކުރިން ކޯޕަންހޭގަން އިން ވަނީ ދެ ލަނޑުގެ ކާމިޔާބުކޮށް މެޗުގެ ނަތީޖާ އެއްވަރުކޮށްފައެވެ. އެގޮތުން އެޓީމުގެ ފުރަތަަމަ ލަނޑު ފުރަތަމަ ހާފުގެ 45 ވަނަ މިނެޓުގައި މުހައްމަދު އެލްޔޫނުސީ ކާމިޔާބުކުރިއިރު އެޓީމުން މެޗުގެ ނަތީޖާ އެއްވަރުކުރި ލަނޑު ފުރަތަމަ ހާފުގެ އިތުރު ވަގުތުގެ ތެރޭގައި ލިބުނު ޕެނަލްޓީއަކުން ކާމިޔާބުކޮށްދީ ޕޯޗުގަލްގެ ފޯވާޑް ޑިއެގޯ ގޮންކަލްވޭސް އެވެ. މިއާއެކު ފުރަތަަމަ ހާފުގެ ކުޅުން ނިމިގެންދިޔައީ 2-2 ގެ ނަތީޖާއަކުން ދެޓީމް އެއްވަރުވެފައި އޮވެގެންނެވެ.

މެޗުގެ ދެވަަނަ ހާފުގައި ދެޓީމުގެ ފަރާތުން ދާދި ހަމަހަމަ ކުޅުމެއް ފެނިގެންދިޔައިރު މެޗުގެ 69 ވަނަ މިނެޓުގައި ޔުނައިޓުން ވަނީ ލަނޑެއް ކާމިޔާބުކޮށް ދެވަނަ ފަހަރަށް މެޗުގެ ލީޑު ހޯދާފައެވެ. މިލަނޑު އެޓީމަށް ލިބުނު ޕެނަލްޓީއަކުން ކާމިޔާބުކޮށްދީ ޕޯޗުގަލްގެ މިޑްފީލްޑަރު ބްރޫނޯ ފެނާންޑޭޒް އެވެ.

ކޯޕަންހޭގަން އިން މެޗުގެ ނަތީޖާ އެއްވަރުކުރި ލަނޑު ދެވަނަ ހާފުގެ 83 ވަނަ މިނެޓުގައި ކާމިޔާބުކޮށްދިނީ ޑެންމާކް މިޑްފީލްޑަރު ލޫކަސް ލަރެގާ އެވެ. އަދި އޭގެ ހަތަރު މިނެޓު ފަހުން އެޓީމުން ވަނީ އިތުރު ލަނޑެއް ކާމިޔާބުކޮށް މިމެޗުގައި ފުރަތަމަ ފަހަރަށް ލީޑު ހޯދާފައެވެ.

މިލަނޑު އެޓީމަށް ކާމިޔާބުކޮށްދިނީ ސްވިޑެންގެ ފޯވާޑް ރޫނީ ބާޑްގްޖީ އެވެ. މިލަނޑާއެކު މެޗުގެ ކުޅުން ނިމިގެންދިޔައީ 4-3 ގެ ނަތީޖާއަކުން ކޯޕަންހޭގަން ކުރީގައި އޮވެގެންނެވެ.

މިމެޗުން ލިބުނު ތިން ޕޮއިންޓާއެކު ކުޅުނު ހަތަރު މެޗުން ހަތަރު ޕޮއިންޓް ހަމަކޮށް ކޯޕަންހޭގަން އިން ވަނީ ގުރޫޕްގެ ދެވަނައަށް ކުރިއަށް ޖެހިލާފައެވެ. އަދި މިމެޗުން ބަލިވި މެންޗެސްޓާ ޔުނައިޓެޑަށް ހަތަރު މެޗުން ލިބުނު ތިން ޕޮއިންޓާއެކު އެޓީމު މިވަގުތު އޮތީ ގްރޫޕްގެ ފުލުގައެވެ. މިގުރޫޕްގެ އެއްވަނައިގައި އޮތީ ކުޅުނު ހަތަރު މެޗުން ވެސް މޮޅުވެ 12 ޕޮއިންޓް ހޯދާފައިވާ ބަޔާން މިއުނިކެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ނިއުކާސަލް ޔުނައިޓެޑުން އާސެނަލް ހުއްޓުވައިފި
22 Nov 2026 ކުޅިވަރު

ނިއުކާސަލް ޔުނައިޓެޑުން އާސެނަލް ހުއްޓުވައިފި

އާސެނަލްއަށް މެޗުގެ ތެރެއިން ކުރިމަތިވި އެންމެ ބޮޑު ކަންބޮޑުވުމަކީ އެޓީމުގެ އިތުބާރު ގޯލްކީޕަރު ޑޭވިޑް ރާޔާގެ ކޮނޑަށް ލިބުނު އަނިޔާއަކާ ގުޅިގެން ބަދަލުކުރަން ޖެހުމެވެ. ކޯޗު މައިކަލް އާޓެޓާ ބުނިގޮތުގައި ރާޔާގެ އަނިޔާގެ ސީދާ ތަފްސީލެއް އެނގޭނީ މެޑިކަލް ޓެސްޓުތަކަށް ފަހުގައެވެ

ޔުނައިޓެޑުގެ ކޯޗުކަމުގެ މަގާމުން މައިކަލް ކެރިކް ވަކިކޮށްފި
12 Nov 2026 ކުޅިވަރު

ޔުނައިޓެޑުގެ ކޯޗުކަމުގެ މަގާމުން މައިކަލް ކެރިކް ވަކިކޮށްފި

ޔުނައިޓެޑުން ވަނީ، މިކަން އެ ކްލަބުގެ ސޯޝަލް މީޑިއާ އެކައުންޓްތަކުގައި ކުރި ޕޯސްޓަކުން ކަށަވަރުކޮށްދީފައެވެ.

މެންޗަސްޓާ ޔުނައިޓެޑުގެ ކޯޗުކަމަށް ޕޮޗެޓީނޯ އައްޔަނުކުރުމަށް ތައްޔާރުވަނީ
11 Nov 2026 ކުޅިވަރު

މެންޗަސްޓާ ޔުނައިޓެޑުގެ ކޯޗުކަމަށް ޕޮޗެޓީނޯ އައްޔަނުކުރުމަށް ތައްޔާރުވަނީ

އެގޮތުން، ޔުނައިޓެޑުން އެންމެ ފަހަށް ކުޅުނު 15 މެޗުގެ ތެރެއިން މިހާތަނަށް އެންމެ 3 މެޗުން މޮޅުވެފައިވާއިރު، ކްލަބުގެ އިސްވެރިން އަންނަނީ ކެރިކްގެ ބަދަލުގައި ޓީމާ ހަވާލުވާން އެންމެ އެކެށީގެންވާ ކޯޗަކީ އާޖެންޓީނާއަށް އުފަން ޕޮޗެޓީނޯ ކަމަށް ނިންމައި އޭނާ ކޯޗުގެ މަގާމަށް އައްޔަނުކުރުމަށް ތައްޔާރުވަމުންނެވެ.

ހާލާންޑްގެ ލަނޑާއެކު ލައިޕްޒިގު އަތުން ސިޓީއަށް މުހިންމު މޮޅެއް
05 Nov 2026 ކުޅިވަރު

ހާލާންޑްގެ ލަނޑާއެކު ލައިޕްޒިގު އަތުން ސިޓީއަށް މުހިންމު މޮޅެއް

މެޗުން ސިޓީ މޮޅުވީ 78 ވަނަ މިނެޓުގައި އެލިއަޓް އެންޑަސަން ތަނަވަސްކޮށްދިން ފުރުސަތަކުން ހާލަންޑް ކާމިޔާބުކުރި ލަނޑުންނެވެ. މިއީ އޭނާގެ ކެރިއަރުގައި ލައިޕްޒިގާ ދެކޮޅަށް ޖެހި 13 ވަނަ ލަނޑެވެ. މެޗުގެ އެންމެފަހު ވަގުތުގައި ދެ ޓީމަށްވެސް ލަނޑު ޖަހާނެ ރަނގަޅު ފުރުސަތުތަކެއް ލިބި ބޭކާރުވެފައިވެއެވެ.

 ސްލާވިއާ ޕްރާގުގެ އަތުން އާސެނަލް ހަނިގޮތަކަށް މޮޅުވެއްޖެ
05 Nov 2026 ކުޅިވަރު

ސްލާވިއާ ޕްރާގުގެ އަތުން އާސެނަލް ހަނިގޮތަކަށް މޮޅުވެއްޖެ

މި މޮޅާއެކު އާސެނަލް ވަނީ ޗެމްޕިއަންސް ލީގުގެ ލީގު ތާވަލުގެ ތިންވަނައަށް ޖެހިލާފައެވެ. މިއީ މި މުބާރާތުގައި މިހާތަނަށް އެ ޓީމުން ކުޅުނު ހަތަރު މެޗުގެ ތެރެއިން ހޯދި ތިންވަނަ މޮޅެވެ

ރަފީނިއާ އާއި ޔަމާލްގެ މޮޅު ކުޅުމާއެކު ބާސެލޯނާއިން އެސްޓަންވިލާ ބަލިކޮށްފި
04 Nov 2026 ކުޅިވަރު

ރަފީނިއާ އާއި ޔަމާލްގެ މޮޅު ކުޅުމާއެކު ބާސެލޯނާއިން އެސްޓަންވިލާ ބަލިކޮށްފި

ބާސެލޯނާގެ ކޭމްޕް ނޯގައި ކުޅުނު މިމެޗް އެސްޓަންވިލާގެ މައްޗަށް އެޓީމް ކުރި ހޯދީ 3-0 ގެ ނަތީޖާއިންނެވެ. މިމެޗްގައި އެންމެބޮޑަށް ފާހަގަވެގެން ދިޔައީ ބާސެލޯނާގެ ޔަމާލް އާއި ރަފީނިއާގެ މޮޅު ކުޅުމެވެ.

މެންޗެސްޓަރ ޔުނައިޓެޑުން ރޯމާ ބަލިކޮށް ނާކާމިޔާބީގެ ސިލްސިލާ ނިންމާލައިފި
04 Nov 2026 ކުޅިވަރު

މެންޗެސްޓަރ ޔުނައިޓެޑުން ރޯމާ ބަލިކޮށް ނާކާމިޔާބީގެ ސިލްސިލާ ނިންމާލައިފި

މެޗުގެ ފަހުކޮޅު ކޫންޔާއަށް ދެއްކި ރަތް ކާޑާއެކު ޔުނައިޓެޑަށް ބޮޑު ނުތަނަވަސްކަމެއް ކުރިމަތިވި ނަމަވެސް، އެ ޓީމުން ވަނީ ރޯމާގެ ހަމަލާތައް ހުއްޓުވައި މެޗުން މޮޅުވެފައެވެ. މިއީ ކޯޗު މައިކަލް ކެރިކަށް ލިބުނު ވަރަށް މުހިންމު މޮޅެކެވެ.