ޢިމްރާން ޚާން މިނިވަން ކުރުމަށް އަމުރުކޮށްފި
ޕާކިސްތާނުގެ ކުރީގެ ބޮޑު ވަޒީރު ޢިމްރާން ޚާން ވަގުތުން ވަގުތައް މިނިވަން ކުރުމަށް އެޤައުމުގެ ސްޕްރީމް ކޯޓުން އަމުރުކޮށްފިއެވެ.
މިއަދު ހަވީރު ޢިމްރާން ޚާން ސްޕްރީމް ކޯޓަށް ހާޒިރު ކޮށްފައިވަނީ ވަރުގަދަ ސެކިޔުރިޓީ އާއި އެކުއެވެ.
"ސަޕޯޓަރުންނަށް އަހަރެން ދޭން ބޭނުންވާ މެސެޖަކީ އަމާން ކަން ނަގައި ނުލާށޭ، ސަރުކާރާއި އަމިއްލަ މީހުންގެ މުދަލަށް ގެއްލުން ނުދޭށޭ، އަމަން އަމާން ކަން މަތީގައި ތިއްބަވާ، 27 އަހަރުވަންދެން ޤާނޫނު ތަކާއި ޤަވާއިދުތައް ގާއިމް ކުރުމަށާއި އަމާންކަން ގެނައުމަށް އަހަރެން އެތައް ކަންތައްތަކަކާއި ކުރި މަތިލިން"ޢިމްރާން ޚާން ވިދާޅުވެފައިވެއެވެ.
ޢިމްރާން ވިދާޅުވީ އަންގާރަ ދުވަހު އޭނާ ހައްޔަރު ކުރި ވަގުތު ލަޓި ބުރި ތަކުން ބޮލުގައި ތަޅައި އަނިޔާ ކޮށްފައިވާ ކަމަށެވެ. އަދި އޭނާ އާއި މެދު ސެކިޔުރިޓީ ފޯސް އިން ކަންކުރި ގޮތައް ކުށްވެރިންނާއި މެދު ވެސް ކަންތައް ނުކުރާނެ ކަމަށް ޢިމްރާން ވިދާޅުވިއެވެ. ޢިމްރާން ޚާން ސްޕްރީމް ކޯޓުގައި އެދިފައި ވަނީ އޭނަގެ ގެއަށް އޭނާ ފޮނުވައި ދެއްވުމަށެވެ. އަދި ޕާކިސްތާން ތަހްރިކޭ އެ އިންސާފް ޕާޓީގެ އާންމު މެމްބަރުން ހިންގި ހަމަނުޖެހުން ތަކަށް ޓަކައި ސްޕްރީމް ކޯޓުަގައި ޢިމްރާން ވަނީ މަޢާފަށް އެދި ވަޑައިގެންފައެވެ.
ސްޕްރީމް ކޯޓުން ޕޮލިސް އައިޖީ އަށް އަންގައިފައި ވަނީ ޢިމްރާން އަށް ސެކިޔުރިޓީ ބޭނުންވާކަމަށެވެ. އަދި ސްޕްރީމް ކޯޓުން ވަނީ ޢިމްރާން އަށް އޭނާގެ އާއިލާއާއި ބައްދަލު ކުރުމުގެ ފުރުޞަތުވެސް ދީފައެވެ.
ޕާކިސްތާނުގެ ޗީފް ޖަސްޓިސް އުމަރް އަޠާ ޢިމްރާނަށް ވިދާޅުވީ ހައިކޯޓުގެ ސެޝަންތަކަށް އަލުން ވަޑައިގަތުމަށެވެ. އަދި ޢިމްރާންގެ ރައްކާތެރި ކަމާއިމެދު ކަންބޮޑު ވާކަމަށެވެ.
ޢިމްރާން ޚާން މިވަގުތައް ހުންނެވުމަސް ހަމަޖައްސައިފައިވަނީ ޕޮލިހުންނާއި ސްޕްރީމް ކޯޓުގެ ބެލުމުގެ ދަށުން ގެސްޓް ހައުސް އެއްގައެވެ. އަދި އެތަނުގައި ހުންނަވާއިރު ބޭނުން ފުޅު މީހަކާއި ބައްދަލު ކުރެވޭނެ ކަމަށާއި ޢިމްރާންގެ ޢާއިލާއަށް އެތަނުގައި ތިބެވޭނެ ކަމަށްވެސް ޗީފް ޖަސްޓީސް ވަނީ ޢިމްރާންއަށް ދަންނަވައިފައެވެ. އަންގާރަ ދުވަހު ޢިމްރާން ހައްޔަރު ކުރީ އިސްލާމް އާބާދުގެ ހައިކޯޓުގައި ކުރިއަށް ދިޔަ މައްސަލައެއްގެ ޝަރީޢަތަށް ވަޑައިގެން ހުންނަވަނި ކޮށެވެ. އެމައްސަލަ އަކީ ބޭރުގެ ޤައުމު ތަކުން ޕާކިސްތާނުގެ ދައުލަތަށް ހަދިޔާކުރި ތަކެތި ނުއަގުގައި ވިއްކާ ނާޖާއިޒު ފައިދާ އެއް ނެގި ކަމަށް ބުނާ މައްސަލައެކެވެ.
ޢިމްރާން ޚާން ވަނީ އޭނަގެ މައްޗަށް ކުރެވޭ މި ތުހުމަތުތަކަށް އިންކާރު ކޮށްފައެވެ.
ޢިމްރާން ހައްޔަރުރުމާއި ގުޅިގެން ޕާކިސްތާނުގެ އެކު ހިސާބުތަކުގައި ވަނީ މުޒާހަރާ ތައް ކޮށް ހަމަނުޖެހުންތައް ހިންގައިފައެވެ.އަދި އިމްރާން ޚާންގެ ޕާޓީ ތަހްރީކޭ އެ އިންސާފަށް ނިސްބަތްވާ އާންމުންގެ އެތައް ބަޔަކާއީ އިސް ބައެއް ލީޑަރުންވެސް ހައްޔަރު ކޮށްފައިވެއެވެ.އަދި މި ހަމަނުޖެހުން ތަކުގެ ސަބަބުން އެތައް ބަޔަކަށް އަނިޔާވެ މަރުވެސް ވެފައިވެއެެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
