އެޗް3 އެން8 ދޫނި ރޯގާ ގައި އަލަށް މީހަކު މަރުވެއްޖެ

އެޗް3 އެން8 ދޫނި ރޯގާ ގައި އަލަށް މީހަކު މަރުވެއްޖެ ކަމަށް ޑަބްލިޔުއެޗްއޯ އިން ހާމަކޮށްފިއެވެ.

ޑަބްލިޔުއެޗްއޯ އިން ބުނީ މި ވައިރަސް އަށް ޕޮޒިޓިވްވި މީހާއަކީ ޗައިނާގެ މީހެއް ކަމަށެވެ. އެމީހާއަށް އެ ވައިރަހުގެ ސަބަބުން ބަލި ޖެހި މަރުވިޔަސް އެވައިރަސް އިންސާނުންގެ ތެރޭގައި އެވައިރަސް ފެތުރޭ ކަމުގެ ހެއްކެއް ހޯދިފައެއް އަދިއެއް ނުވެއެވެ.

ޗައިނާގެ އުތުރުގައި އޮންނަ ގުއަންގްޑޮންގް ޕްރޮވިންގައި ދިރިއުޅުނު 58 އަހަރުގެ މި ވައިރަހުގައި މަރުވެފައިވާއިރު އޭނާ އަކީ މި ވައިރަސް ޖެހި އެބަލި ޖެހުނު 3 ވަނަ މީހާއެވެ. ކުރިން ރިޕޯޓު ކުރެވުނު އެޗް3 އެން8 ގެ ދެކޭހަކީވެސް ޗައިނާއިން ރިޕޯޓް ކޮށްފައިވާ ދެ ކޭސް ކަމުގައި ޑަބްލިޔު އެޗް އޯ އިން ހާމަކުރެއެވެ.

ގުއަންގްޑޮންގްގެ ޕްރޮވެންޝަލް ސެންޓަރ ފޯ ޑިސީސް ކޮންޓްރޯލް އެންޑް ޕްރިވެންޝަން އިން ބުނެފައިވަނީ އެ ކޭސް ރިޕޯޓު ކުރެވިފައިވަނީ މިދިޔަ މަހުގައި ކަމަށެވެ. ނަމަވެސް މަރުވި މީހާގެ މަރާއި ގުޅޭ ތަފްސީލެއް އެ ސެންޓަރުން ހާމަކޮށްފައެއް ނުވެއެވެ.

އެއަންހެންމީހާ ބަލިވެ މަރުވުމުގެ ކުރިން އޭނާ ޒިޔާރަތްކުރި ވެޓް މާރުކޭޓަކުން އޭނާ އާއި ކޮންޓެކްޓްވި މީހުންގެ ގައިން ނެގުނު ސާމްޕަލް ތައް އިންފްލުއެންޒާ އޭއެޗް3 އަށް ފައްސިވެފައިވާ ކަމަށާއި، އިންފެކްޝަންގެ ސަބަބަކީ އެއީ ކަމަށް ވެދާނެ ކަމަށް ޑަބްލިޔު އެޗް އޯ އިން ބުނެއެވެ.

އިންސާނުން ގައިން ފެނުން މަދު އެޗް3 އެން8 އަކީ ޢާންމުކޮށް ދޫންޏަށް ޖެހޭ ވައިރަސް އެކެވެ. ދޫނި ތަކުން ފެންނަ މި ވައިރަހުގެ އަސަރު ކުރިޔަސް މާބޮޑު ޢަލާމާތްތަކެއް ނުފެންނަ ކަމަށާއި، ބައެއް މަންމަލި ޖަނަވާރުތަކަށްވެސް މި ވައިރަހުގެ އަސަރުކޮށްފައިވާކަމަށް ޑަބްލިޔު އެޗް އޯ އިން ހާމަކޮށްފައިވެއެވެ. އަދި މަރުވި އަންހެން މީހާ އާއި ޑައިރެކްޓް ކޮންޓެކްޓް ވި އެއްވެސް މީހެއްގެ ގައިން މި ވައިރސް ފެނިފައި ނުވާ ކަމަށްވެސް ޑަބްލިޔު އެޗް އޯ އިން ބުނެފައިވެއެވެ.

މިބައްޔާއިމެދު މިހާތަނަށް އެއްކުރެވިފައިވާ މައުލޫމާތުތަކުން އެނގޭގޮތުގައި މިބައްޔަކީ ފަސޭހަ ކަމާއިއެކު އިންސާނުންގެ ތެރޭގައި ފެތުރިގެން ދާނެ ބައްޔެއް ނޫން ކަމަށާއި، ބަލި ފެނުނު ޤައުމާއި، ރީޖަންގައި ބަލި ފެތުރިގެން ދިޔުމުގެ ބިރު އޮތްމިންވަރުވެސް ކުޑަ ކަމަށް ޑަބްލިޔު އެޗް އޯ އިން ބުނެއެވެ.