އޮސްޓްރިޗްއަކީ ޕެޓެއްގެ ގޮތުގަ ގެންގުޅެވޭނެ އެއްޗެއް ނޫން: މިނިސްޓްރީ
އޮސްޓްރިޗަކީ ޕެޓެއްގެ ގޮތުގައި ގެންގުޅެވޭނެ އެއްޗެއް ނޫން ކަމަށާއި މާލެ ގެއެއްގައި އޮސްޓްރިޗެއް ގެންގުޅޭ މައްސަލަ އާއި ގުޅިގެން ބަލަން ޖެހޭ ކަންތައްތައް ބަލަމުން ދާކަމަށް ފިޝަރީޒް މިނިސްޓްރީ ބުނެފިއެވެ.
އޮސްޓްރިޗް އަކާއެކު މީހަކު ގެއެއްގެ ތެރޭގައި ނަގާފައި ހުރި ފޮޓޯއަކާ ގުޅިގެން ފިޝަރީޒް މިނިސްޓްރީގެ އެގްޒެކެޓިވް ޑިރެކްޓަރ ނަސްރުالله ހުސައިން "ވޮއިސް" އަށް ވިދާޅުވީ ހާމަވެގެން އުޅޭ ފޮޓޯއާ ގުޅޭގޮތުން ރަސްމީކޮށް އެއްވެސް މައްސަލައެއް ހުށަހަޅާފައި ނުވާ ކަމަށާއި ނަމަވެސް އެ މައްސަލަ މިނިސްޓްރީގެ ސަމާލުކަމަށް އައިސްފައިވާ ކަމަށެވެ.
"އެއްޗަކީ ފޯލްޓްރީ ފާރމްގެ ދަށުން ހުއްދަ ކުރެވޭ އެއްޗެއް. އޭގެ ހުއްދަ ދީފަ އޮތީ. އެކަމަކު އޭގަ ބޮޑަށް ނޫސްތަކުގަ ފާހަގަ ވެގެން މި އުޅެނީ މީހަކު އެ ހިފައިގެން ވަކިން ގެދޮރުގަ ހުއްޓާ. އެހެންމަ އެއީ ޕެޓެއްގެ ގޮތުގަ ގެންގުޅެވޭނެ އެއްޗެއް ނޫން. އެއީ އަޅުގަނޑުމެން ފޯލްޓްރީ ފާމަކަށް ދޫކޮށްފައިވާ ހުއްދަތަކެއް އެހެންވީމަ ފާރމެއްގަ ގެންގުޅެވޭނީ" ނަސްރުالله ވިދާޅުވިއެވެ.
މިކަމާ ގުޅިގެން ބަލަންޖެހޭ ކަންކަން ބަލަމުން ދާ ކަމަށާއި އޮސްޓްރިޗް ގެންގުޅެނީ ކާކުކަން އަދި ޔަގީންނުކުރެވޭ ކަމަށް އޭނާ ވިދާޅުވި އެވެ.
އޮސްޓްރިޗް ގެންގުޅުމަށް ސަރުކާރުން ދޫކޮށްފައިވާ ހުއްދައެއް ސޯޝަލްމީޑިޔާގައި ވަނީ އާއްމުވެފައެވެ. އެ ހުއްދަ ދޫކޮށްފައި ވަނީ މިިދިޔަ އަހަރުގެ ޖެހުނުއަރީ މަހުގައެވެ. އޭގައި ވާގޮތުން އީރާނުން 50 ޑޮމެސްޓިކް އޮސްޓްރިޗް ބިސް އެތެރެކުރަން ވަނީ ހުއްދަ ދީފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
