ފުރަތަމަ ބުރުގެ ވޯޓުލީ ފޮށީގެ ލޮކޭޝަން ބަދަލުވުމުން އާންމުންނަށް އޮޅުން އަރާނެ: އާދަމް ޝަރީފް
ރިޔާސީ އިންތިހާބުގެ ފުރަތަމަ ބުރުގައި ބަހައްޓާފައިވާ ވޯޓުފޮށީތަކުގެ ލޮކޭޝަން ދެވަނަ ބުރުގައި ބަދަލުވުމަކީ އެކަމުގެ ސަބަބުން އާންމުންނަށް އޮޅުން އަރާނެ ކަމެއް ކަމުގައި ޕީއެންސީގެ ނައިބު ރައީސް އާދަމް ޝަރީފް އުމަރު ވިދާޅުވެއްޖެއެވެ.
ރިޔާސީ އިންތިހާބުގެ ދެވަނަބުރުގެ ވޯޓުލުމަށް ފުރަތަމަ ބުރުގައި ރެޖިސްޓަރ ވެފައިވާ ރަށް ނޫން އެހެން ތަނެއްގައި ވޯޓުލުމަށްޓަކައި ތި ރެޖިސްޓްރޭޝަނަށް އިލެކްޝަންސް ކޮމިޝަނުން އިއްޔެއިން ފެށިގެން މާދަމާގެ މެންދުރު ފަހު 3:00 ގެ ނިޔަލަށް ހުޅުވާލާފައި ވާއިރު، ދެވަނަ ބުރުގެ ބައެއްގމ ވޯޓު ފޮށިތަކުގެ ލޮކޭޝަން އެކޮމިޝަނުން ވަނީ ބަދަލުތަކެއް ގެނެސްފައެވެ.
މިކަމާއި ގުޅިގެން އާދަމް ޝަރީފް މިއަދު ކުރެއްވި ޓުވީޓެއްގައި ބުނެފައިވަނީ، ވޯޓު ފޮށީގެ ލޮކޭޝަން ބަދަލުކުރުމަކީ އާންމުންނަށް ބޮޑެތި އޮޅުންތައް އަރައި, އެކަމުގެ ސަބަބުން އެތަކެއް ތަކުލީފުތަކެއް ކުރިމަތިވެ އަދި ގިނަ ބަޔަކަށް ވޯޓު ނުބެލޭ ސަބަބަކަށް ވާނެކަމަށެވެ.
މީގެ އިތުރުން އާދަމް ޝަރީފް ގެ ޓުވީޓުގައި ވަނީ އިލެކްޝަންސް ކޮމިޝަނުން މިކަމަށް ހާއްސަ ސަމާލުކަމެއް ދިނުމަށް ގޮވާލައިފައެވެ.
ރިޔާސީ އިންތިހާބުގެ ދެވަނަ ބުރުގެ ވޯޓުލުމަށް ރީ ރެޖިސްޓްރޭޝަނަށް ހުޅުވާލައިފައިވާއިރު ދެވަނަ ބުރުގައި ރީ ރެޖިސްޓަރ ކުރުމަށް އިއްޔެ އެކަނިވެސް 9000 ފޯމު ވަނީ އިލެކްޝަންސް ކޮމިޝަނަށް ހުށަހަޅާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
