ކުޅިވަރު
06 Sep 2026 | 05:21
ދިއްދޫއިން ފަހަތުން އަރައި ބާރަށް ބަލިކޮށްފި
ލިޔުންތެރިޔާ
އަބްދުﷲ ހުސައިން
މުރައިދޫގައި ކުރިއަށްދާ "މަންތާ އެއާ މުރައިދޫ ވެޓަރަންސް އިންވިޓޭޝަނަލް ވޮލީބޯޅަ މުބާރާތުގައި ދިއްދޫ އާއި ބާރަށް ބައްދަލުކުރިމެޗް ދިއްދޫއިން ކާމިޔާބުކޮށްފިއެވެ.
ވަރަށް ވާދަވެރި ކުޅުމެއް ފެނިގެންދިޔަ މިމެޗް، ބާރަށުގެ މައްޗަށް ދިއްދޫ ކުރި ހޯދާފައިވަނީ ތިންސެޓް ދެސެޓުންނެވެ. މި މެޗްގެ ފުރަތަމަ ދެ ސެޓް ގެންގޮސްފައިވަނީ ބާރަށުންނެވެ. ދެސެޓްވެސް ބާރަށުން ގެންދިޔައީ 25-21 ހުންނެވެ.
މެޗްގެ ފުރަތަމަ ދެސެޓް ގެންގޮސްފައިވަނިކޮށް ދިއްދޫއިން ވަނީ ފަހު ތިންސެޓް ގެންގޮސް މެޗް ކާމިޔާބުކޮށްފައެވެ.
މި މުބާރާތުގައި މާދަމާ ބާރަށް ނިކުންނާނީ ފިއްލަދޫ އާ ދެކޮޅަށެވެ. އަދި ދިއްދޫ ނިކުންނާނީ ކުޅުދުއްފުއްޓާ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
