ފިކުރެއްގެ ދިރުމުން ރިޔާސީ އިންތިޚާބުގައި ވާދަކުރަނީ
އެމްޑީޕިގެ ތެރެއިން އުފެދިގެން އައި ފިކުރެއްގެ ދިރުމުން ރިޔާސީ އިންތިޚާބުގައި ވާދަކުރާނެ ކަމަށް އެ ފެކްޝަނުން ބުނެފިއެވެ.
މިހާރު ކުރިއަށް ދާ ނޫސްވެރިންގެ ބައްދަލުވުމުގައި ވާހަކަ ދައްކަމުން އީވާ ޢަބްދުالله އާއި މަޖިލިހުގެ ހުޅުދޫ ދާއިރާގެ މެމްބަރު އިލްޔާސް ލަބީބު ވަނީ ފިކުރެއްގެ ދިރުމުން އައު ޕާޓީއެއް އުފެއްދުމުގެ މަސައްކަތް ފައްޓަވާފައިވާ ކަމަށެވެ.
އަދި އެ ޕާޓީ އުފެއްދުމަށް އަންނަ ހަފްތާގައި ފޯމު ހުށަހެޅުމަށް ފަހު 3،000 މީހުންގެ ސޮއި ހޯދުމުގެ މަސައްކަތް ފައްޓަވާނެ ކަމަށް އިލްޔާސް ލަބީބު ވިދާޅުވި އެވެ.
މި ބައްދަލުމުގައި ވާހަކަ ދައްކަވަމުން އީވާ ވަނީ ފިކުރެއްގެ ދިރުމުން އުފައްދާ ޕާޓީން ކުރިއަށް އޮތް ރިޔާސީ އިންތިހާބުގައި ކެންޑިޑޭޓަކު ވާދަކުރައްވާނެ ކަންވެސް އިއުލާން ކުރައްވާފައެވެ. އަދި “ފިކުރެއްގެ ދިރުން” ގެ ކެނޑިޑޭޓު ކަނޑައަޅާނީ އެތެރޭގެ ފުރިހަމަ ޑިމޮކްރެޓިކް ނިޒާމެއްގެ ތެރެއިންކަމަށްވެސް އީވާ ވިދާޅުވި އެވެ.
އީވާ ވިދާޅުވީ އެބޭފުޅުންނަކީ ދިވެހި ޑިމޮކްރެޓިކް ޕާޓީ އެމްޑީޕީގެ ދަރިވަރުންކަމަށެވެ. އެހެންކަމުން އެބޭފުޅުން އަމަލުކުރައްވާނީ ޑިމޮކްރެޓިކް ހަމަތަކާއި އުސޫލުގެ ދަށުންކަމަށް ވިދާޅުވިއެވެ. އެގޮތުން “ފިކުރެއްގެ ދިރުން” ފަރާތުން އުފައްދާ ޕާޓީގެ މަގާމުތަކަށްވެސް ބޭފުޅުން އައްޔަނުކުރާނީ ޑިމޮކްރެޓިކް ހަމަތަކުގެ ތެރެއިންކަމަށާ އަދި އެ ޕާޓީގެ ތެރޭގައިވެސް ޑީމޮކްރެޓިކް ހަމަތައް ގާއިމްކުރައްވާނެކަމަށް އީވާ ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
