އިސްލާމްދީނާ އިދިކޮޅު އަމަލުތަކެއް ހިންގުމުން ހުކުމަކަށްވީ އެންމެ 15 ދުވަހުގެ ބަންދެއް
އިސްލާމް ދީނާ އިދިކޮޅު އަމަލުތަކެއް ހިންގި މީހަކު ކަސްޓޯޑިއަލް ޖަލެއްގަ 15 ދުވަހަށް ބަންދުގައި ބެހެއްޓުމަށް ކްރިމިނަލް ކޯޓުން އަމުރު ކޮށްފިއެވެ.
އިސްލާމް ދީނާ އިދިކޮޅު އަމަލުތަކެއް ހިންގި މި މައްސަލާގައި ދައުވާ ކޮށްފައިވަނީ 32 އަހަރުގެ ނަދީމް އަލީ ކިޔާ މީހެއްގެ މައްޗަށެވެ.
ނަދީމް އަލީގެ ބަންދު އަމުރުގައިވާގޮތުން އިސްލާމްދީނާއި ދެކޮޅު ޢަމަލު ހިންގާ ކަމަށް ތުހުމަތުކުރެވޭ މިންވަރުގެ ހެއްކާއި ގަރީނާ ކޯޓަށް ވަނީ ހުށަހަޅާފައެވެ. އަދި އޭނާ ބަންދުން ދޫކޮށްލައިފިނަމަ މުޖުތަމައުގެ ސަލާމަތަށް ނުރައްކާ ވެދާނެ ކަމަށް ފެންނަ ކަމަށްވެސް އެ ކޯޓު އަމުރުގައި ބުނެފައިވެއެވެ. ހަމައެހެންމެ އޭނާގެ މައްޗަށް އެ ތުހުމަތު ކުރެވޭ އަމަލު ހިންގި ކަމަށް އޭނާ އިންކާރުވެސް ކޮށްފައި ނުވާކަން ކޯޓު އަމުރުން އެނގެއެވެ.
މީގެ އިތުރުން އޭނާ އަކީ މީގެ ކުރިން ވެސް މިފަދަ އަމަލު ހިންގުމުގެ ކުށުގެ ރިކޯޑު އޮތް މީހެއްކަން ކޯޓު އަމުރުގައި ފާހަގަކޮށްފައިވާއިރު، އެ ކުށް އަލުން ތަކުރާރު އިހްތިމާލު ބޮޑު ކަމަށް ގަބޫލު ކުރެވޭ ކަމަށްވެސް ބުނެފައިވެއެވެ.
ނަމަވެސް ކޯޓު އަމުރުގައި އޭނާ ކޮށްފައިވާ ޢަމަލުގެ ތަފްސީލް ހާމަ ކޮށްފައެއް ނުވެއެވެ.
ދީނާ ޚިލާފް އަމަލުތައް ކުރާ މީހުންނަށް މާ ބޮޑު އަދަބެއް ނުދެވި މުޖުތަމައުގައި ދޫކޮށްލާފައި ތިބޭ މައްސަލާގައި ގިނަ ބައެއްގެ ކަންބޮޑުވުން އަބަދުވެސް އޮވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
